Эксперт растлумачыў прычыны «самалётападу» ў свеце

За апошнія суткі адбылося прынамсі тры інцыдэнты з самалётамі.

За апошнія суткі ў свеце адбылося сама меней тры авіяінцыдэнты. Найбуйнейшай катастрофай стала падзенне авіялайнера ў Паўднёвай Карэі, у выніку якога загінулі 179 чалавек. Акрамя таго, у Канадзе загарэўся самалёт пасля жорсткай пасадкі, на шчасце без ахвяраў. Таксама адзін самалёт здзейсніў аварыйную пасадку ў Нарвегіі праз збой гідраўлікі.

Дарадца дырэктара Нацыянальнага інстытута стратэгічных даследаванняў Андрэй Весялоўскі ў эфіры Radio NV расказаў, што можа быць прычынай такой колькасці авіякатастрофаў у свеце.

«Гэтая з'ява ў пэўнай ступені заканамерная, называецца яна Каляды. Усе спяшаюцца, усё хочуць ляцець, авіякампаніі дастаюць з ангараў усё, што ў іх ёсць, падобнае на самалёты. Усе графікі звужаюцца да хвілінаў, да секундаў», – патлумачыў ён.

Такі паспех, паводле ягоных словаў, цалкам лагічна прыводзіць да павелічэння рызык.

«У гэтым цэйтноце павялічваецца колькасць варыянтаў, што будуць нейкія няшчасныя выпадкі, аварыі, смерці, катастрофы і гэтак далей», – адзначыў эксперт, папракнуўшы Міжнародную арганізацыю цывільнай авіяцыі, што яна не аддае гэтаму дастатковай увагі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com