У 2024 годзе ў Беларусі звольнілі больш людзей, чымся ўзялі на працу

І гэта пры дэфіцыце кадраў.

На працягу 10 месяцаў 2024 года ў Беларусі на працу прынялі 558,54 тысячы чалавек, а звольнілі - 597,26 тысяч: на 38,72 тысячы больш. Гэта вынікае з звестак, апублікаваных у справаздачах Белстата.

Больш за ўсё звальненняў было ў сельскай, лясной і рыбнай гаспадарках - 9500 чалавек. На другім месцы - аптовы і раздробны гандаль, рамонт аўтамабіляў: у гэтых галінах звольнілі 8 229 чалавек. У адукацыі працоўныя дамовы былі разарваныя з 7 095 працаўнікамі.

Шмат звальненняў у апрацоўчай прамысловасці – 5 147 чалавек, транспарце і лагістыцы – 4 662 чалавек, сферы спорту, забаў і адпачынку – 2 096 чалавек, ахове здароўя – 1 269 чалавек.

Больш працаўладкаванняў, чым звальненняў, было ў кастрычніку: на працу прынялі 63,7 тысяч чалавек, звольнілі - крыху больш за 60 тысяч, на 3 628 чалавек менш.

Таксама ў кастрычніку працаўладкавання было больш, чым у аналагічным перыядзе 2023 года на 6,5%. Усяго за 10 месяцаў гэтага года працу атрымалі на 2,7% больш людзей, чым летась.

Паводле звестак Белстата, у трэцім квартале 2024 года ўзровень занятасці насельніцтва ў працаздольным узросце склаў 84,5%. Беспрацоўе ў працаздольным узросце, як заяўляецца, мае ўзровень 2,9%.

Калі параўноўваць са звесткаім за другі квартал, то ўзровень занятасці насельніцтва афіцыйна павялічыўся - з 84,2%. А ўзровень беспрацоўя, наадварот, знізіўся - з 3% ад колькасці працоўнай сілы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com