Пад Менскам прадаюць катэдж «Газпрама»

З басейнам і зімовым садам.

Пад Менскам на гандаль ізноў выставілі катэдж, які належыць кампаніі «Газпрам трансгаз Беларусь». Ці знойдзецца на гэты раз пакупнік для гасцявога дома? Realt вывучыў прапанову.

Трохузроўневы дом знаходзіцца ў Мар'яліве. Гэта Менскі раён, Астрашыцка-Гарадоцкі сельсавет. Ад МКАД да населенага пункта – 12 км.

Цагляны катэдж з'явіўся ў вёсцы ў 1999 годзе. Агульная яго плошча складае 504 м2. У гасцявым доме пяць жылых пакояў.

Ёсць там і басейн з саўнай, більярд, уласны зімовы сад, банкетная і камінная залы.

Будынак стаіць на зямельным надзеле. Ягоная плошча – 24 соткі. У склад лота ўваходзяць гасцявы дом, кацельня, будынак гаража, кандыцыянеры, жалюзі, шафы і шматлікае іншае.

Гандаль пройдзе на пляцоўцы Інстытута нерухомасці і ацэнкі. Згодна з прызначэннем, зямельны надзел можна выкарыстоўваць для абслугоўвання дома прыезджых.

Стартавы кошт лота – Br1,3 млн ($368 тыс.).

Дарэчы, гасцявы дом ужо спрабавалі прадаць у чэрвені, цяпер – другая спроба. Чарговы электронны гандаль прызначаны на 23 снежня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com