У Нямеччыне будуць судзіць 100-гадовага экс-ахоўніка канцлагеру

Яго абвінавачваюць у дапамозе і падбухторванні да 3322 забойстваў у канцлагеры Заксэнхаўзэн.

Найвышэйшы рэгіянальны суд у Франкфурце-на-Майне заявіў у аўторак, што скасаваў пастанову суду ніжэйшай інстанцыі, паводле якой 100-гадовы падазраваны ў дапамозе і падбухторванні да 3322 забойстваў у канцлагеры Заксэнхаўзэн быў прызнаны непрыдатным для судовага разбіральніцтва.

Пра гэта паведамляеThe Guardian.

Падазраванаму, якога нямецкія СМІ называюць Грэгарам Форманэкам, летась было абвешчанае абвінавачанне ў дапамозе і падбухторванні да забойстваў у 3322 выпадках падчас працы ў канцлагеры Заксэнхаўзэн пад Берлінам у перыяд з ліпеня 1943 года да лютага 1945 года.

Аднак у лютым эксперт вызначыў, што Форманэк не можа паўстаць перад судом праз свой псіхічны і фізічны стан, і суд у Ханаў пастанавіў не адкрываць вытворчасць супраць яго.

У аўторак суд Франкфурта прызнаў, што пастанова эксперта не грунтавалася на «дастатковых фактах».

«Сам эксперт заявіў, што не было магчымасці апытаць падсуднага і што не было магчымасці правесці шырокае псіхіятрычнае тэставанне», – гаворыцца ў паведамленні.

Нямеччына спрабуе змусіць да адказнасці апошніх ацалелых былых нацысцкіх ваенных злачынцаў пасля таго, як у 2011 годзе была вынесеная знакавая пастанова, якая адкрыла шлях да некалькіх судовых працэсаў.

Адзін былы ахоўнік нацысцкага лагеру, Джон Дзем'янюк, быў асуджаны ў 2011 годзе на падставе таго, што ён быў часткай гітлераўскай машыны забойстваў, хоць не было ніякіх доказаў таго, што ён непасрэдна кагосьці забіваў.

З таго часу некалькі былых працаўнікоў канцлагераў былі прызнаныя вінаватымі ў суўдзеле ў забойствах на той самай падставе.

Аднак з цягам часу многія справы былі закрытыя ў апошнія гады пасля таго, як абвінавачаныя памерлі ці фізічна не змаглі паўстаць перад судом.

Больш за 200000 чалавек, у тым ліку габрэяў, ромаў, апанентаў рэжыму і геяў, утрымліваліся ў лагеры Заксенхаўзэн паміж 1936 і 1945 гадамі.

Дзясяткі тысячаў загінулі там ад прымусовай працы, забойстваў, медыцынскіх эксперыментаў, голаду і хваробаў да таго, як лагер быў вызвалены савецкімі войскамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com