Расея стаіць перад дылемай праз масавыя страты
20- 30.12.2024, 14:56
- 26,412
Акупанты заніжаюць свае страты ў разы.
Ваенны экспэрт Аляксей Капыцька піша пра вялізныя страты акупантаў ва Украіне. Яго тэкст публікуе праект "Інфармацыйны супраціў". Падаем тэкст у скарачэнні:
- Група «Інфармацыйны Супраціў» працягвае збіраць звесткі аб расейскіх салдатах, якіх у самой Расеі прызналі забітымі ці публічна пахавалі. Мы зафіксавалі рэкордную колькасць забітых. Дэ-факта Расея не можа схаваць, што хавае па дзве роты за дзень.
Як бачым у гісторыі з тым самым азербайджанскім самалётам, Крэмль не прызнае нават відавочнага і выкручваецца да апошняга. Так і ў выпадку са стратамі. Расейцы заніжаюць іх у разы. Расейцы страчваюць забітымі прыкладна батальён за дзень.
Ці шмат гэта ці мала? Гэтага пакуль недастаткова, каб спыніць расейскую арду. Але гэта адчувальна. Згодна з комплексам звестак, якія мы збіраем, у РФ ужо некалькі месяцаў назіраецца разрыў паміж колькасцю наймітаў, якія адпраўляюцца на фронт, і маштабам страт. Ізноў прыбылыя не папаўняюць страты.
Складваецца ўражанне, што расейскае войска, выконваючы палітычную задачу ўзяць максімум да інаўгурацыі Трампа, канчаткова перастала лічыцца са стратамі. Украінскія вайскоўцы, якія на свае вочы назіраюць і спыняюць «мясныя штурмы» малых груп супраціўніка, адзначаюць, што наступаць у такім рэжыме бясконца - немагчыма.
Пры захаванні тэндэнцый, з прыблізнымі ацэнкамі, да канца зімы - пачатку вясны адбудзецца назапашванне парываў паміж папаўненнем Расейскага войска тымі, хто выбывае з-за страт. Альбо расейскія ўлады павінны знайсці нейкія новыя крыніцы жывой сілы (напрыклад – масавая мабілізацыя), альбо яны будуць вымушаныя спыняцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
