Колькі каштавалі самыя дарагія кватэры Менска ў 2024 годзе

Самым дарагім жыллём у Менску сёлета стала прасторная «чатырохпакаёўка».

Сёлета ў беларускай сталіцы было прададзена блізу дваццаці кватэр даражэйшых за 200 тысяч даляраў, паведамляе агенцтва нерухомасці «Твая сталіца».

Самым дарагім жыллём у Менску сёлета стала прасторная «чатырохпакаёўка» па адрасе: Ратамская, 32, у прэстыжным ВК "Алімпік парк" у мікрараёне Лябяжы. Раскошныя апартаменты плошчай 152,7 квадратнага метра абышліся пакупніку на 900 тысяч даляраў.

На другім месцы - кватэра ў доме па суседстве, на Ратамскай, 34: за 465 898 даляраў. Чатыры пакоі, 115 «квадратаў», чацвёрты паверх. Дом даволі новы, уведзены ў эксплуатацыю ў 2018 годзе.

Не першы год у рэйтынг трапляюць кватэры з «дома Чыжа» на Старажоўскай, 6. Трохпакаёвае жыллё плошчай 142,8 квадратнага метра з шыкоўным відам на Свіслач прадаўся за 440 тысяч даляраў.

На чацвёртым месцы апынулася кватэра з самым дарагім «квадратам» — у гмаху на Мястроўскай, 24. Плошча жылля — крыху большая за 70 квадратных метраў, у ёй два пакоі, размяшчаяцца яна на дзявятым паверсе. Яе кошт - 433 тысячы даляраў, кошт квадратнага метра, адпаведна, 6124 даляра.

Замкнула пяцёрку рэйтынгу 157-метровая кватэра ў комплексе "Ветразь" на Кальварыйскай, 16, за 420 тысяч даляраў. З дзевятнаццатага паверха адкрываецца прыгожы від на Менск. Дарэчы, у гэтым жа комплексе летась прадаліся яшчэ дзве дарагія кватэры - на 20-м і 24-м паверхах - за 280 тысяч і 323 тысячы даляраў.

Усяго сёлета ў рэйтынг патрапілі каля дваццаці кватэр, прададзеных у сталіцы даражэй чым за 200 тысяч долараў. Па выніках 2023-га самай дарагой стала нерухомасць на вуліцы Пятра Мсціслаўца, 12, у ЖК «Маяк Мінска». Раскошнае жыллё плошчай 127,2 кв. м, якое складаецца з двух пакояў, было прададзенае за 665 049 даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com