У Казахстане «прагаварыліся» пра праблемы ў Беларусі з папулярным таварам

Лукашысты раней гэта адмаўлялі.

У Казахстане паведамілі пра рост попыту на некаторыя гатункі бульбы. Традыцыйна гэтая краіна экспартуе прадукт ва Узбекістан, Туркменістан, Кыргызстан. Цяпер вырас попыт з боку Беларусі і Расеі – у асноўным на гатункі, якія выкарыстоўваюцца для насення, вытворчасці чыпсаў і бульбы фры, піша «Люстэрка».

Між тым Казахстан «свядома абмяжоўвае» пастаўкі прадукту ў нашу і суседнюю краіну.

«Робіцца гэта, каб не страціць стабільных партнёраў. І мы разумеем, што РФ і РБ – гэта часовы рынак. А таксама зыходзячы з абавязальніцтваў перад МВО (мясцовымі выканаўчымі органамі. – Заўвага. рэд.) у забеспячэнні ўнутранага рынку», – паведаміў кіраўнік Звязу бульбаводаў і агароднікаў Казахстана Байжан Уалханаў.

Нагадаем, гэты год быў не самым ураджайным для бульбы. Улады нават увялі абмежаванне на вываз прадукту на продаж за мяжу.

Пра што чыноўнікаў папярэджвалі фермеры

Фермеры папярэджвалі, што ў Беларусі могуць узнікнуць перабоі з бульбай. Прадстаўнікі сельскай гаспадаркі гавораць, што яе вырошчванне стала стратным праз стрымліванне коштаў. У выніку некаторыя гаспадаркі паменшылі плошчы пад пасадку бульбы, што ў выніку можа прывесці да дэфіцыту. Праз пастанову № 713, якой дзяржава рэгулюе кошты, некаторыя фермеры паменшылі плошчы пад пасадку бульбы, аддаўшы іх пад больш рэнтабельныя культуры. Напрыклад, у Гарадзенскай вобласці гэтыя палі зменшыліся на 20 адсоткаў. А налета некаторыя аграрыі і зусім гатовыя адмовіцца ад гэтай культуры.

У той самы час дзяржаўныя СМІ і Мінсельгасхарч раней заяўлялі, што сабранага ўраджаю бульбы сёлета будзе даволі для задавальнення патрэбаў унутранага рынку, а таксама для экспарту, у першую чаргу ў Расею. Хоць, паводле звестак статыстыкі, ураджай у 2024-м меншы, чым летась.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com