Расея вывела памежнікаў з КПП на мяжы Арменіі з Іранам

Расейцы знаходзіліся там больш за 30 гадоў.

Расейскія памежнікі пакінулі памежны кантрольна-прапускны пункт "Агарак" на мяжы Арменіі з Іранам. Расейцы супольна з армянамі знаходзіліся на гэтым КПП больш за 30 гадоў.

Пра гэта паведамляе амерыканскі Інстытут вывучэння вайны (ISW).

Прэм'ер-міністр Арменіі Нікол Пашынян 30 снежня абвясціў, што армянскія памежныя войскі пачалі патруляваць КПП "Агарак" без расейскіх сіл.

Як мяркуецца, расейскія памежнікі пакінулі гэты раён у адпаведнасці з пагадненнем ад кастрычніка 2024 года аб тым, што памежнікі Арменіі адновяць кантроль над пунктам пропуску з 1 студзеня 2025 года.

Пашынян таксама дадаў, што расейскія памежнікі працавалі на КПП "Агарак" з 1991 года.

“Вывад расейскіх памежнікаў з КПП “Агарак” адбыўся праз пяць месяцаў пасля таго, як расейскія памежнікі закончылі вывад войскаў з ерэванскага міжнароднага аэрапорта “Звартноц”. Гэта яшчэ раз прадэманстравала прыхільнасць Арменіі да скарачэння двухбаковых дачыненняў з Расеяй у сферы бяспекі”, - адзначылі ў Інстытуце вывучэння вайны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com