«У 2024-м сталі бачныя механізмы раскідання Расеі»

Экспэрты назвалі галоўныя падзеі гэтага года.

2024 год выдаўся складаным і для Беларусі, якая змагаецца з дыктатурай, і для Украіны, якая ваюе. Якія падзеі сталі галоўнымі ў гэтым годзе? Чаго чакаць ад наступнага года?

Сайт Charter97.org пацікавіўся меркаваннем экспэртаў.

Адной з галоўных падзей гэтага года стала падзенне рэжыму Башара Асада ў Сірыі, чыя сям'я кіравала ў гэтай дзяржаве з 1970 года. Украінскі ваенна-палітычны аглядальнік групы «Інфармацыйны супраціў» Аляксандрам Каваленкам мяркуе, што гэтая падзея стала найсур'ёзнейшай рэпутацыйнай паразай Расеі:

- Сірыя цяпер унесла найсур'ёзнейшыя карэктывы ў сітуацыю на сусветнай арэне, паколькі сірыйскае пытанне тычыцца цэлага шэрагу даволі важных як рэгіянальных гульцоў - Турцыі і Ізраіля, так і сусветных гульцоў - Злучаных Штатаў.

Вядома ж, гэта можна залічыць да самай вялікай нечаканасці, якая не толькі ўсіх нас здзівіла ў 2024-м, але і будзе мець пэўны ўплыў і ў 2025-м. Паколькі Сірыя - гэта найсур'ёзнейшая рэпутацыйная параза Расеі пасля 2022-га года, калі было няўдалае яе ўварванне ва Украіну. Расея вымушаная зараз выводзіць свае войскі адтуль.

Яшчэ адна знакавая падзея ў 2024-м годзе - аперацыя УСУ ў Курскай вобласці РФ. Украінскія войскі зайшлі на тэрыторыю Расеі ў жніўні. Кіеў дагэтуль утрымлівае плацдарм на тэрыторыі РФ. Украінскі экспэрт, палкоўнік УСУ Пётр Чэрнік назваў гэтую падзею «эпахальнай»:

- Канчаткова разбураны міф аб тым, што «на ядзерную краіну нельга нападаць». Мы на іх не напалі, тут важна адзначыць, што была праведзеная аперацыя адцягнення войскаў супраціўніка з Данецкага кірунку. Таксама мы паказалі нашым супольнікам, на што мы здольныя, а самае галоўнае – гэта вялізная аплявуха Пуціну.

Аперацыя пачалася ў жніўні, зараз ужо канец снежня, а расейцы толькі на некалькі квадратных кіламетраў скарацілі плацдарм, які адваявалі УСУ. Для «другога войска свету» - гэта велізарная ганьба. Як мы бачым, можна праводзіць дапаможныя ваенныя аперацыі супраць дзяржавы, якая на ўвесь свет махае ядзернай дубінкай і пагражае ўсіх спаліць у «ядзерным апакаліпсісе».

Славацкі палітолаг Рыгор Мясежнікаў мяркуе, што адна з найважнейшых падзей гэтага года — паспяховая барацьба Ізраіля супраць іранскіх проксі. ЦАХАЛ нанёс каласальны ўдар па палестынскай групоўцы ХАМАС і ліванскай «Хезбале», што прывяло да паслаблення і падзення рэжыму Асада ў Сірыі:

— Ізраіль дабіўся значных поспехаў у барацьбе супраць тых сіл, якія імкнуцца знішчыць габрэйскую дзяржаву. Гэта важны сігнал аб тым, як дэмакратыя і свабоднае грамадства могуць абараняцца, нават у тых складаных умовах, якія тычацца партнёрства і супольніцтва свабодных краін. Ізраіль паказаў сваім супольніка і партнёрам, што не заўсёды іх парады і пазіцыі прыводзяць да вынікаў, якія дапамагаюць захаваць гэтую дзяржаву і выстаяць у барацьбе са злейшымі ворагамі. Пытанне ў тым, калі заходнія супольнікі, нарэшце, зразумеюць, што ў барацьбе са злом кампрамісы могуць быць шкоднымі.

Многія чакаюць, што ў 2025 годзе скончыцца вайна ва Украіне. Украінскі палітолаг Уладзімір Фясенка выказаў меркаванне, што баявыя дзеянні могуць працягвацца ўвесь наступны год:

- Наступны год Украіна і свет будуць знаходзіцца на мяжы вайны і міру. У які бок пойдзе развіццё падзей - залежыць ад таго, наколькі паспяховымі будуць мірныя перамовы.

З вельмі высокай імавернасцю мірныя перамовы будуць у 2025-ым. Відавочна спробы распачне Дональд Трамп, а вось атрымаецца ці не - пытанне. Але вайна можа зацягнуцца і на ўвесь будучы год. Можа быць усплёск напружанасці не толькі вакол Украіны, але і ў шырэйшых маштабах.

Як спыніць Пуціна ў 2025 годзе? Беларускі палітолаг Зміцер Балкунец падзяліўся сваёй формулай:

- Мая формула вельмі простая - каб спыніць вайну, трэба паказаць нейкія дзеянні і сілу з боку краін калектыўнага Захаду на адрас Расеі. Адным з такіх інструментаў з'яўляецца часовае поўнае гандлёвае эмбарга на ўсіх марскіх і наземных калідорах, якія выкарыстоўвае Расея для выхаду ў сусветны акіян і для выхаду на еўрапейскі рынак са сваімі таварамі.

Гэта ключавы чыннік, які можа прывесці да спынення вайны. Былі ў сусветнай практыцы гісторыі, калі падчас войнаў блакаваліся рухі гандлёвых караблёў. Калі Еўрапейскі звяз разам з Вялікабрытаніяй, ЗША і Канадай ператнуць для Расеі выхады ў сусветны акіян праз затокі ў раёне Даніі, Швэцыі, а таксама праз Басфор, адначасова ператнуць усе гандлёвыя калідоры з усходу на захад, уключаючы транзіт для Кітая, уключаючы часовую поўную блакаду Калінінградскай вобласці, вайна будзе скончана імгненна. Бо гэта будзе маштабны шок для Пуціна. Ніякіх інструментаў для таго, каб змяніць такую гісторыю, у яго няма.

Гэта важны чыннік, які можа прывесці не проста да заканчэння вайны, але і да поўнага вываду расейскіх войскаў з акупаваных тэрыторый.

Вядомы ваенны экспэрт, палкоўнік УСУ Раман Світан мяркуе, што ў 2024-м годзе пачалося раскіданне Расеі, якое прывядзе да вызвалення Беларусі:

- Эканамічныя перадумовы да раскідання СССР былі закладзеныя як раз санкцыйнымі механізмамі за вайну ў Афганістане. На Расею накладзены санкцыі за вайну ва Украіне. Гэта адно геапалітычнае поле. Ужо бачныя некаторыя механізмы раскідання Расеі.

Кіраўніцтва РФ будзе сур'ёзна падарванае "рашкападам" (я яго так называю), які пачаўся ўжо сёлета з Сірыі.

Далей іх выціснуць з Прыднястроўя, Беларусі, Грузіі, Афрыкі, пазней з Паўднёвай Амерыкі. «Рашкапад» магчымы, расейскае войска нікому з усіх гэтых лакацый не зможа дапамагчы. Яно звязанае баямі ва Украіне. Гэта ўсё разам дазваляе мне рабіць такі прагноз.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com