«Газпрам» прыступіў да спынення паставак праз Украіну

Чакаецца, што да 1 студзеня транзіт упадзе да нуля.

Расейскі газавы канцэрн "Газпрам" у аўторак, 31 снежня, прыступіў да скарачэння паставак газу ў Еўропу транзітам праз Украіну, паведамляе агенцтва Reuters (пераклад - "Нямецкая хваля") са спасылкай на рынкавае апавяшчэнне кампаніі.

Паводле гэтых звестак, 31 снежня па ўкраінскім маршруце ў Еўропу паставяць 37,2 млн куб. м газу. Удзень раней гэты паказчык складаў 42,4 млн куб. м. У 2023 годзе "Газпрам" паставіў праз Украіну блізу 15 млрд куб. м, гэта значыць блізу 41 млн куб. м у дзень.

Чакаецца, што ўжо 1 студзеня ўкраінскі транзіт упадзе да нуля, бо скончыцца тэрмін адпаведнага пяцігадовага кантракта паміж Расеяй і Украінай. Гэта падзея "азнаменуе амаль поўную страту некалі магутнага ўплыву Масквы на еўрапейскі газавы рынак". Паводле яго падлікаў, Украіна страціць амаль 800 млн даляраў у год даходаў ад транзіту, "Газпрам" - амаль 5 млрд даляраў ад продажаў газу.

Уплыў на краіны Еўропы

Паводле ацэнкі агенцтва Reuters, спыненне ўкраінскага транзіту мацней за ўсё ўдарыць па Малдове. Іншыя пакупнікі расейскага газу, такія як Славакія, Чэхія і Аўстрыя, арганізавалі альтэрнатыўныя маршруты паставак. Вугоршчына працягне атрымліваць расейскі газ праз газаправод "Турэцкая плынь". У Еўракамісіі раней заявілі, што гатовы да спынення транзіту праз Украіну.

"Для Еўропы страта паставак таннага расейскага газу прывяла да сур'ёзнага запаволення эканомікі, усплёску інфляцыі і пагаршэння ўзроўня жыцця. Хоць Еўропа хутка знайшла альтэрнатыўныя крыніцы энэргіі, страта расейскага газу абвастрыла доўгатэрміновыя асцярогі аб зніжэнні канкурэнтаздольнасці і, між іншым, аб прамысловай будучыні Нямеччыны", - адзначае Reuters.

Стрыманая рэакцыя рынку

Аналітыкі прадбачаць мінімальны ўплыў на рынак ад спынення паставак расейскага газу праз Украіну, паказвае Reuters. Экспэрты не чакаюць паўтарэння цэнавага скачка 2022 года, бо аб'ёмы газу з РФ на рынку ЕЗ зараз у шмат разоў меншыя.

Раніцай 31 снежня на найбуйнейшым у Еўропе газавым хабе TTF у Нідэрландах цэны на газ па кароткатэрміновых угодах нязначна выраслі. Яго кошт па кантрактах з пастаўкай у найбліжэйшым месяцы павялічыўся на 0,8 працэнта да 48,32 еўра/ МВт * г. У Вялікай Брытаніі газ па кантрактах на «дзень наперад» падаражэў на 2, 5% - да 120,45 пенса за тэрм - гэта максімальны паказчык з 3 снежня. Між тым Reuters называе асноўнай прычынай гэтай змены чакання халоднага надвор'я ў Паўночна-Заходняй Еўропе, а спыненне ўкраінскага транзіту ставіць толькі на другое месца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com