Марына Золатава стала лаўрэаткай прэміі за свабоду слова ў ФРГ

Выявіла ў працы незвычайную мужнасць і сумленнасць.

У нямецкім горадзе Шорндорф 1 снежня прайшла цырымонія ўзнагароджання міжнароднай прэміяй імя Ягана Філіпа Пальма за свабоду слова і свабоду друку.

Лаўрэатамі 2024 года сталі галоўны рэдактар знішчанага беларускімі ўладамі партала TUT.BY, палітвычная зняволеная Марына Золатава і медыя ZanTimes, якое піша аб правах чалавека ў Афганістане, паведамляе DW.

Прэмія названа імем нямецкага выдаўца, які жыў у ХІХ стагоддзі і быў пакараны за сваю дзейнасць. Кожныя два гады яна ўручаецца незалежным журналістам, якія ўнеслі ўклад у развіццё дэмакратыі і незалежнай прэсы.

На сайце фонду імя імя Ягана Філіпа Пальма адзначаецца, што Золатава сутыкнулася з жорсткімі рэпрэсіямі з боку дзяржавы, аднак выявіла ў працы незвычайную мужнасць і сумленнасць.

Марына Золатава ўжо тры з паловай гады знаходзіцца ў зняволенні. Суд прысудзіў яе да 12 гадоў пазбаўлення волі па палітычна матываванай справе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com