Расейскі карабель абстраляў нямецкі гелікаптэр у Балтыйскім моры сігнальнымі боепрыпасамі

Падрабязнасці.

Расейскі карабель абстраляў нямецкі гелікаптэр у Балтыйскім моры сігнальнымі боепрыпасамі. Пра гэта са спасылкай на агенцтва dpa паведамляе BILD. Гелікаптэр выконваў выведную місію.

Міністарка замежных справаў ФРГ Аналена Бербок згадала пра інцыдэнт у кулуарах сустрэчы NATO ў Брусэлі. Паводле ейных словаў, Нямеччына ўзмоцніць кантроль за трубаправодамі і кабелямі перадачы звестак у Балтыйскім моры. Узмоцніцца таксама абарона крытычнай інфраструктуры з дапамогай патрулёў.

У якасці прычыны Бербок назвала гібрыдныя атакі з боку Расеі і яе хаўруснікаў. Інцыдэнт з гелікаптэрам – чарговы эпізод гэтага доўгага супрацьстаяння. Так, у лістападзе былі пашкоджаныя два оптавалакновыя кабелі. Адзін з іх звязваў Нямеччыну і Фінляндыю, другі – Швэцыю і Літву. Швэдскія ўлады падазраюць, што ў гэтым замяшаны кітайскае карабель «Yi Peng 3», які праходзіў побач падчас пашкоджання кабеляў.

Заходнія палітыкі абвінавачваюць у жаданні аслабіць Еўропу з дапамогай гібрыдных нападаў не толькі Расею і Кітай, але таксама КНДР і Іран. Гэтыя атакі ажыццяўляюцца без вядзення адкрытай вайны. Іх часта цяжка ці немагчыма прыпісаць канкрэтнаму выканаўцу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com