У Гародні могуць з'явіцца развадны мост і рэстаран у выглядзе карабля

На набярэжнай Нёмана.

У Гародні можа з'явіцца развадны мост, сетка кавярняў і воднае таксі. У горадзе абмеркавалі будучыню набярэжнай Нёмана і нават месца для ёгі, паведамляе тэлеграм-канал кіраўніка Гарадзенскага аблвыканкама Уладзіміра Караніка.

Караніку прапанавалі некалькі варыянтаў праектаў добраўпарадкавання набярэжнай. Напрыклад, зону ад былога піўзавода да пагорку, на якім стаіць Стары Замак, зробяць у сучасным стылі: двухузроўневыя пешаходныя дарожкі, сетка ўстановаў грамадскага харчавання. Таксама тут хочуць пабудаваць развадны пешаходны мост да скверу па вуліцы Леванабярэжнай.

Побач з гэтым скверам, магчыма, з'явяцца ёмістыя паркоўкі. У выканкаме мяркуюць, што гэта зручны варыянт – можна прыпаркаваць там машыну і перайсці праз Нёман проста ў сэрца гістарычнага цэнтра Гародні.

«Востраў ля Паповіцкага моста таксама прывядуць у парадак. Ёсць некалькі варыянтаў яго выкарыстання. Напрыклад, абсталяваць там прычал для воднага таксі, а таксама скейтпарк і пляцоўкі для экстрэмальных відаў спорту. Яшчэ на востраве абсталююць сучасны вадзяны млын. Частку плошчы адвядуць пад месцы для занятку ёгай», – паведамляецца ў тэлеграм-канале.

Побач з Каложскай царквой можа з'явіцца назіральная пляцоўка, а яшчэ месцы для адпачынку з прыгожымі відамі, лаўкі рамеснікаў. Уздоўж берагу Нёмана ля ўзножжа пагорку, на якім стаіць царква, таксама пракладуць двухузроўневыя пешаходныя і роварныя дарожкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com