«За чатыры гадзіны ўсё роўна плацяць, як за цэлы дзень»

Беларус з Нью-Ёрка зняўся ў серыяле Fallout і расказаў, колькі зарабіў.

Беларус Сяргей Цітоў, які пераехаў у ЗША і перыядычна здымаецца ў эпізадычных ролях у кіно, сыграў у цэлым сезоне амерыканскага серыялу і расказаў у сваім TikTok, колькі змог зарабіць.

Здымкі праходзілі ў Нью-Ёрку, а сам Сяргей патрапіў у ядро актораў масоўкі, якія з'яўляюцца на працягу ўсяго серыялу, піша zerkalo.io.

«У мяне атрымалася 14 здымачных дзён, у сярэднім я атрымліваў па 233 даляры. Здавалася б, замала. Я вам звычайна іншыя расцэнкі паказваю (300, 400, 500 даляраў), але ўсё вельмі проста: у людзей быў план, і яны яго прытрымліваліся. Яны здымалі ўсё дакладна згодна з планам, не выходзілі за звышурочныя, не пераплачвалі людзям. І ўвогуле тры ці чатыры з гэтых дзён мы проста прыходзілі на пляцоўку, дапусцім, у дзесяць раніцы і сыходзілі ў дзве гадзіны дня, таму што ў іх усё хутка было знята, але за чатыры гадзіны ўсё роўна плацяць, як за цэлы дзень», – распавёў хлопец.

Ён дадаў, што хоць гэта былі здымкі цэлага сезону серыялу, за некалькі месяцаў атрымалася толькі 14 працоўных дзён, актораў масоўкі выклікалі перыядычна.

«З доўгіх дзён быў адзін ці два. Самае вялікае, што я бачу зараз, – гэта 344 даляра. 12 гадзін быў працоўны дзень. Гэта мала», – адзначыў ён.

З ягоных слоў, ён не бавіў шмат часу на здымачнай пляцоўцы, але ў выніку сума атрымалася нармальная.

«За гэтыя 14 працоўных дзён я запрацаваў 3262 даляры. Нармальна, досвед цікавы быў », – дадаў Сяргей Цітоў.

Што гэта быў за серыял, хлопец не ўдакладніў.

Нядаўна Сяргей зняўся ў адным з самых папулярных серыялаў гэтага года – Fallout. Тады ён расказаў, што стандартная яго стаўка ў масоўцы за восем гадзін – 208 даляраў, але калі здымачны дзень доўжыцца даўжэй, то з восьмай па дзясятую гадзіну плацяць 1,5 стаўкі. Пасля гэтага – падвойную (з дзясятай гадзіны і да канца).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com