Барыслаў Бэрэза: Гэты ўказ Крамля развеяў хлусню расейскай прапаганды

Расея на мяжы катастрофы?

Пуцін падпісаў указ, паводле якога расейцам, якія ўступяць у шэрагі акупацыйнага войска, зараз будуць плаціць не 200, а 400 тысяч расейскіх рублёў.

Што стаіць за такім рэзкім павелічэннем выплат добраахвотнікам войска РФ? Пра гэта і не толькі сайт Charter97.org пагаварыў з украінскім палітычным дзеячам, экс-дэпутатам Вярхоўнай Рады Барыславам Бэрэзам:

- Хачу нагадаць, што расейская прапаганда актыўна распавядае, як у іх усё добра і што няма праблем з наборам у войска. Але інфармацыя аб гэтых выплатах акурат развенчвае гэтую хлусню, атрымліваецца, што не ўсё так, як выглядае. Калі вы плаціце 200 тысяч рублёў, навошта ж вам удвая памнажаць гэтыя выплаты? Толькі ў тым выпадку, калі «мяса» раптам пачало задумвацца, што яго проста ўтылізуюць, а шанцы выдаткаваць гэтыя грошы вельмі мінімальныя.

Тут складваецца вельмі цікавая сітуацыя – фактычна тыя, хто гатовы быў здохнуць за «расейскі свет» за тыя самыя 200 тысяч, проста скончыліся. Цяпер шукаюць тых, хто гатовы здохнуць за 400 тысяч, а часам і больш. Рэч у тым, што патрэбы Пуціна ў «гарматным мясе» не змяншаюцца, а растуць, у расейцаў на фронце вельмі вялікія страты. Пры гэтым амбіцыі нікуды не падзеліся, а адзіны метад, які выкарыстоўвае Пуцін, «мясныя штурмы», яны дзейсныя. Расейцы напраўду проста завальваюць «мясам» украінскія пазіцыі.

Але вось толькі «мяса» заканчваецца, таму пачалі плаціць значна больш, каб матываваць гэтае «мяса». Цяпер сярэднестатыстычная расейка будзе думаць: «Ух ты, у мяне пад бокам фактычна такое фінансаванне, а здохне мой мужычок, дык грошай будзе больш, чым ён заробіць да канца жыцця». Таму яны пачынаюць матываваць сваіх мужычкоў ісці на вайну.

У Расеі існуе культ смерці, а гандаль жыццём набывае агульнанацыянальны маштаб, і гэта добра, што мы бачым такія сітуацыі, але дрэнна, што ўсё яшчэ існуюць ідыёты, якія гатовы абменьваць сваё жыццё на 400 тысяч рублёў. Разумееце, Пуцін не спыніцца, ён ужо забіў амаль паўмільёна расейцаў у імя сваіх амбіцый.

А вось грамадзяне РФ павінны ўсвядоміць, ці гатовы яны ісці на сваю ж утылізацыю ў імя амбіцый Пуціна. Таму тое, што мы бачым, гэта для Расеі катастрофа, але, на жаль, гэта праблема і для Украіны. Тое, што гінуць расейцы, мяне мала турбуе, але адначасова з гэтым гінуць і ўкраінцы, якіх гэтыя расейцы забіваюць.

- Апошні час мы чуем вельмі шмат дрэнных навін для эканомікі РФ. Гэта тое, што адбылося за апошнія дні: праз інфляцыю Цэнтрабанк РФ падняў цэнтральную стаўку, Кітай перакрыў Расеі 80% аплат у юанях, экспарт Турцыі ў РФ упаў на траціну, страты Газпрама выраслі амаль удвая. Ці варта спадзявацца на тое, што эканоміка не дазволіць Расеі працягваць вайну?

- Так, каб эканоміка Расеі абвалілася раптоўна і цяпер, такога не будзе. Але тое, што ў іх у найбліжэйшыя паўгода адбудзецца рэзкі спад, гэта праўда. Расея фактычна выходзіць ужо на плато, а значыць, далей за магчымасці ў іх ужо ніякіх не будзе.

Менавіта таму Пуцін зараз актывізаваў свае намаганні для дасягнення замірэння, яму неабходна паўза, але самай галоўнай умовай ён называе нават не вывад украінскіх войскаў, не абмежаванне магчымасцяў прасоўвання Украіны ў NАТO ці ЕЗ. Не, яго цікавіць менавіта зняцце санкцый, бо без гэтага расейская эканоміка стоадсоткава адправіцца ў смяротнае піке, з якога яна наўрад ці вылезе.

Пуцін гэта разумее, ён ужо зараз спрабуе падрыхтаваць умовы для таго, каб расейская эканоміка не атрымала катастрафічны ўдар, а ён будзе ў даволі блізкім часе. Пры гэтым не трэба скідаць з рахункаў і тое, што Расеі ўсё ж такі ўдаецца прадаваць свае энэрганосьбіты.

Вось калі б гэты продаж спыніўся, тады Расейская Федэрацыя абрынулася б вельмі хутка, нават на працягу года мы б убачылі проста разбуральны эфект для расейскай эканомікі. Танная нафта і танны газ, якія з вялікім дысконтам прадае Расея, усё ж па-ранейшаму прывабныя для многіх людзей, якім пляваць, што за гэтыя грошы Расея потым забівае ўкраінцаў.

- Пуцін заўсёды выкарыстоўваў у сваёй палітыцы блеф. Наколькі сапраўды ў Расеі вялікі запас трываласці і здольнасці працягваць вайну, а колькі ў гэтым усім славутага пуцінскага блефу?

- Глядзіце, тут не блеф, ён гатовы забіваць і далей грамадзян РФ, каб рэалізаваць свае амбіцыі, гэта па-першае. Па-другое, калі Пуцін зараз спыніць вайну, то ў яго спытаюць: за што дохлі расейцы. Хутчэй за ўсё, гэта прывядзе да краху ягонага рэжыму, ён гэта ўсведамляе. Таму вайна для Пуціна - гэта пытанне яго асабістай бяспекі, выжывання і магчымасці кіраваць далей.

Пуцін - класічны вырадак, якому пляваць на ўсіх вакол, ён такі ж гнюс і вырадак як і Лукашэнка. Яго цікавяць толькі асабістыя інтарэсы, асабістыя амбіцыі і асабістае напаўненне ягоных кішэняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com