Памёр культавы французскі актор Ален Дэлон

Ён стаў зоркай і адным з галоўных сімвалаў 1960-х - 1980-х гадоў.

Французскі актор тэатра і кіно, кінарэжысёр, сцэнарыст і прадзюсер Ален Дэлон памёр на 89-м годзе жыцця, паведамляе AFP са спасылкай на дзяцей актора.

Ален Дэлон - адзін з самых папулярных актораў у французскім кіно, які пачаў сваю кар'еру ў 1950-х гадах, калі яму было ўсяго 22 гады. Ён стаў зоркай і адным з галоўных сэкс-знакаў 1960-х - 1980-х гадоў.

Найбольшую вядомасць набыў пасля фільмаў "На яркім сонцы" (1960), "Рока і яго браты" (1960), "Леапард" (1963), "Чорны туліпан" (1964), намінант на "Залаты глобус" у катэгорыі "Найлепшы дэбютант". Уладальнік прэміі "Сезар" за найлепшую мужчынскую ролю ў стужцы "Наша гісторыя" (1984). Афіцэр ордэна Ганаровага легіёна.

У апошнія гады актор быў хворы і вёў жыццё пустэльніка. У гэты час трое ягоных дзяцей змагаліся за ягоную ўвагу і спадчыну. У пачатку года суд абмежаваў Дэлона ў дзеяздольнасці - ён не меў права самастойна прадаваць нерухомасць і быў вымушаны рабіць гэта праз трэціх асоб.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com