Беларусу замянілі частку сцегнавой косткі тытанавым 3D-імплантам

Унікальную аперацыю правялі ў Віцебску.

Унікальную аперацыю замены часткі сцягна 3D-імплантам правялі віцебскія медыкі. Да гэтага пацыент доўга лячыўся ў Воршы, а ў абласным цэнтры правёў блізу паўгода, піша БелТА.

Тытанавы 3D-імплант усталёўвалі 45-гадоваму пацыенту з вялікім дэфектам сцегнавой косткі. Каля двух гадоў таму мужчына атрымаў цяжкі пералом сцягна. Ён доўга лячыўся ў Воршы, а ў студзені 2024-га яго перавялі ў Віцебскую абласную клінічную лякарню.

«У пацыента былі ўскладненні ў выглядзе астэаміэліту сцегнавой косткі. Яму зроблены шэраг аперацый у некалькі этапаў - блізу сямі ўмяшанняў. Першым этапам мы санавалі астэаміэлітычны асяродак і выдалялі металаканструкцыю. Гэта быў працяглы перыяд, бо трэба было купаваць інфекцыйны працэс левага сцягна», - растлумачыў загадчык аддзялення гнойнай хірургіі ВАКБ Аляксандр Глыздоў.

Фінальную аперацыю выканалі ў канцы ліпеня, распрацоўвалі яе супольна з калегамі з 6-й гарадской клінічнай бальніцы Менска пры ўдзеле віцебскага медуніверсітэта. Вылечыць захворванне наяўнымі на той момант метадамі не было магчымп.

Сертыфікаваны 12-сантыметровы тытанавы імплант вырабілі на 3D-друкарцы ў Менску.

Як адзначыў Аляксандр Глыздоў, імплант такіх памераў для замяшчэння дэфекту сцегнавой косткі ва ўмовах астэаміэліту ў Віцебску прымянілі ўпершыню.

Пацыент ужо ідзе на папраўку. Пад наглядам спецыялістаў ён вучыцца нанава хадзіць. Выпісваць мужчыну не спяшаюцца - пра гэта можна будзе казаць, калі ён адновіцца і зможа перайсці на мыліцы або на кій.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com