Навукоўцы: Ежа можа мяняць нашы гены
- 10.01.2025, 20:56
- 3,652
Асабліва калі яна ўтрымлівае клятчатку.
Навукоўцы са Стэнфардскага ўніверсітэта здзейснілі прарыў у разуменні таго, як наша дыета ўплывае на наша здароўе на самым глыбокім узроўні – на ўзроўні генаў.
Новае даследаванне, апублікаванае ў часопісе Nature Metabolism, паказала, што спажыванне клятчаткі, даўно вядомай сваёй карысцю для стрававання, значна глыбей уздзейнічае на арганізм.
Высветлілася, што клятчатка, трапляючы ў наш кішачнік, становіцца ежай для карысных бактэрый, якія вырабляюць кароткаланцуговыя тлустыя кіслоты. Гэтыя рэчывы не толькі сілкуюць нашы клеткі, але і здольныя змяняць актыўнасць пэўных генаў. Навукоўцы выявілі, што гэтыя змены могуць ствараць супрацьракавае дзеянне, душачы рост пухлінных клетак і стымулюючы іх гібель.
Вынікі даследавання дазваляюць выказаць здагадку, што нястача клятчаткі ў рацыёне можа спрыяць развіццю раку, асабліва раку тоўстай кішкі. Даследнікі адзначаюць, што сучасны чалавек, як правіла, спажывае недастаткова клятчаткі, што негатыўна адбіваецца на здароўі ягонай мікрабіёмы і, як вынік, на працы ўсяго арганізма.
Гэтае адкрыццё развінае новыя перспектывы ў галіне прафілактыкі і лекаванні раку. Навукоўцы спадзяюцца, што далейшыя даследаванні дазволяць распрацаваць новыя падыходы да барацьбы з анкалагічнымі захворваннямі, заснаваныя на мадуляцыі мікрабіёмы і харчавання.
Атрыманыя вынікі падкрэсліваюць важнасць здаровага харчавання і, сярод іншага, спажывання дастатковай колькасці клятчаткі. Уключэнне ў рацыён прадуктаў, багатых на клятчатку, такіх як бабовыя, арэхі, гародніна і садавіна, можа стаць адным з самых простых і эфектыўных спосабаў знізіць рызыку развіцця многіх захворванняў, у тым ліку раку.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
