БелАЭС не працуе больш за месяц

Міністр энэргетыкі адмаўляецца ад каментароў.

З 4 снежня мінулага года Беларуская атамная электрастанцыя не выпрацоўвае электрычнасць. Як стала вядома «Зеркалу» ад крыніцы, знаёмай з сітуацыяй, на днях адбылася няўдалая спроба запуску аднаго з энэргаблокаў. Журналісты, як звычайныя грамадзяне, патэлефанавалі на жывую лінію міністра энэргетыкі і спыталі, што адбываецца на АЭС.

Са слоў крыніцы журналістаў, супрацоўнікі БелАЭС паспрабавалі падключыць да сеткі адзін з энэргаблокаў 6 студзеня.

- Усё дрэнна, спроба завяршылася няўдачай, - сцвярджае крыніца. - Не магу дакладна сказаць, які блок не ўдалося вярнуць да працы, але станцыя па-ранейшаму прастойвае і не выпрацоўвае электрычнасць. Супрацоўнікі напружаны, спяшаюцца хутчэй усё выправіць, але пакуль не атрымліваецца.

Журналісты пад выглядам звычайных грамадзянін Беларусі патэлефанавалі на жывую лінію з міністрам энэргетыкі Аляксеем Кушнярэнкам, каб даведацца, як ідуць справы з рамонтам энэргаблокаў і запускам БелАЭС.

- Прабачце, дзейнасць станцыі я каментаваць вам не буду, - заявіў міністр. - Якое пытанне ў вас?

- Ці ўсё ў парадку з БелАЭС?

- Без каментароў, - адказаў Аляксей Кушнарэнка і паклаў слухаўку.

На афіцыйным сайце Беларускай АЭС на 11 студзеня 2025 года па-ранейшаму паведамляецца, што першы энэргаблок знаходзіцца на планава-папераджальным рамонце. Інфармацыя аб стане другога адсутнічае.

Пры штатнай рабоце двух энэргаблокаў БелАЭС забяспечвае блізу 40 працэнтаў патрэбнасці краіны ў электраэнэргіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com