Званок сябру

Як напраўду «сябруюць» дыктатары.

Аб норавах верхавіны РФ расказаў Камаль Сакр - былы кіраўнік прэс-службы Асада. З гэтага апавядання можна зрабіць выснову аб тым, як дыктатары сябруюць, піша тэлеграм-канал «СерпомПо».

Аказваецца, незадоўга да падзення сваёй улады Асад спрабаваў звязацца з Пуціным праз тэлефон, каб запытаць дазвол выкарыстоўваць базу Хмеймім для перакідкі вайсковай дапамогі Ірана.

Тэлефануе 4 снежня - нуль увагі. 5 снежня - тое ж самае. Тады Асад стаў тэлефанаваць спецпрадстаўніку Пуціна па Сірыі Лаўрэнцьеву, прасіць яго аб кантакце. На што яму было сказана, што Пуцін патэлефанаваць не можа, бо знаходзіцца ў Беларусі. "Гуляй, Вася". Праз пару дзён рэжым упаў.

Звярніце ўвагу, што ў гэтым выпадку пра звычкі Пуціна расказвае не "Захад", а той самы "Усход" і "Поўдзень", куды крута "павярнулі" Пуцін-Лаўроў: былы прэс-сакратар Асада даў інтэрв'ю падкасту "Мазідж" тэлеканалу "Аль -Арабія".

Між іншым, мы думаем, што Пуцін даў прытулак Асаду не проста з чалавекалюбства. Уявіце, што Асад быў бы затрыманы і пачаў расказваць пра ўсе справы, якія рабіліся ў Сірыі пасля таго, як Пуцін уцягнуў туды Расею ў 2015 годзе. Менавіта з гэтай прычыны каштоўны асобнік "Асад" лепш захоўваць у расейскім сейфе ў маўклівым стане. Дарэчы, былі пагалоскі, што Асада спрабавалі атруціць у Маскве. Гэта, напэўна, зноў паклёпнічаюць. "Ён занадта шмат ведаў".

Узгадайце ў дадатак, як Лукашэнка заклаў Пуціна Зяленскаму, спіхнуў на яго ўсю адказнасць за свой удзел 24 лютага. Вось яно - сяброўства дыктатараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com