Беларускі добраахвотнік Ян Мельнікаў ужо дзесяць гадоў ваюе на баку Украіны
5- 14.01.2025, 14:15
- 5,740
Свой юбілей ён сустрэў на фронце.
Беларускі добраахвотнік палка Кастуся Каліноўскага Ян «Беларус» Мельнікаў ужо 10 гадоў ваюе на баку Украіны супраць расейскіх акупантаў. У інтэрв'ю YouTube-каналу палка Каліноўскага ён расказаў, што сёння кіруе кулямётным разлікам:
- Больш за год я працаваў выключна з кіраваннем са штаба - кантроль за правядзеннем аперацый, карэкціроўка мінамётаў па цэлях. Цяпер ёсць неабходнасць быць камандзірам разліку. Я знаходжуся на баявой пазіцыі.
Ян Мельнікаў расказаў, чым адрозніваецца вайна ва Украіне сёння ад таго, што адбывалася на пачатковых стадыях:
- У 2014 годзе мы маглі на пярэднія пазіцыі паставіць ПТРК і працаваць з яго некалькі месяцаў. Супраціўнік ведаў, што мы там знаходзімся, але нічога зрабіць не мог. Сёння цяжка ўявіць, каб на перадавой стаяў нейкі дом, на даху якога стаялі б буйнакаліберныя кулямёты і ПТРК, і каб гэты будынак прастаяў дзень. Гэта проста нерэальна, а тады было магчымым.
Сёння ты на адлегласці 20 кіламетраў ад супраціўніка трымаеш дэтэктар дронаў і баішся, што цябе могуць знішчыць.
Беларускі добраахвотнік мяркуе, што вайна ва Украіне можа перарасці ў большы канфлікт:
- Вайна Расеі супраць Украіны, мне здаецца, перарасце ў вялікую вайну. Магчыма, у Трэцюю сусветную. Думаю, што толькі тыя, хто не цікавіцца гэтым пытаннем, не разумеюць, што з'явілася "вось зла" з дыктатур. Можна тут згадаць і Венесуэлу, пра якую не так шмат гавораць, а таксама Іран, Кітай і Расея. На іншым баку - краіны Захаду. Яны стаяць на баку Украіны.
Мне здаецца, што пазіцыя Расеі сёння - поўная капітуляцыя Украіны. Украіна на гэта не гатовая. Пазіцыя Кіева - поўны вывад войскаў Расеі з тэрыторыі Украіны. Таму ўмоў для таго, каб прыйсці да новага міру на выгадных пазіцыях для дзвюх краін, сёння няма. Гэта прывядзе да таго, што больш краін далучацца да гэтай вайны не дапамогай рэсурсамі, а сваім удзелам.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
