Зяленскі паказаў новае відэа размовы з палонным жаўнерам КНДР

У Расеі яму выдалі дакументы, аднак там было не ягонае імя і не было фота.

Прэзідэнт Украіны Уладзімір Зяленскі паказаў яшчэ адно відэа размовы з палонным жаўнерам Паўночнай Карэі. Нядаўна УСУ захапілі яго ў палон падчас баявых дзеянняў.

Відэа апублікаваў Зяленскі ў сябе ў Telegram.

На відэа ў паўночнакарэйца пытаюцца, калі ён трапіў у палон да УСУ. Мужчына адказвае, што не памятае. З яго слоў, ён успамінае толькі бой, у якім яго пакінулі субраты, і некалькі дзён ён знаходзіўся адзін.

«Мяне паранілі, а пасля бою было адступленне. Паколькі я атрымаў раненне, то не мог рухацца. І прыкладна 3-5 дзён заставаўся адзін. Потым мяне знайшлі войскі Украіны», - кажа ён.

Са слоў палоннага, у Расеі яму выдалі дакументы, аднак там было не яго імя і не было фота. Ён таксама расказаў, што ў Расеі іх вучылі, як браць у палон украінскіх вайскоўцаў.

Са слоў Зяленскага, зараз устанаўліваюцца факты і правяраюцца дэталі наконт палоннага.

«Свет будзе ведаць поўную праўду пра тое, як Расея выкарыстоўвае такіх хлопцаў, якія раслі ў поўным інфармацыйным вакууме, увогуле нічога не ведаюць пра Украіну і выкарыстоўваюцца Расеяй выключна для таго, каб працягнуць і пашырыць гэтую вайну. Толькі Расеі патрэбная гэтая вайна. Я дзякую ўсім нашым воінам, якія абараняюць украінскія пазіцыі. Удзячны і ўсім у свеце, хто дапамагае нам берагчы жыцці людзей і нашу незалежнасць», - напісаў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com