Арменія прыстрашыла заблакаваць праграму расейскага прапагандыста Кісялёва

Раней МЗС краіны выклікала расейскага пасла.

Трансляцыя расейскай праграмы «Вести недели» можа быць заблакаваная на тэрыторыі Арменіі, заявіў міністр высокатэхналагічнай прамысловасці рэспублікі Мхітар Айрапецян. З яго слоў, кантэнт гэтай перадачы, якую вядзе гендырэктар прапагандысцкага агенцтва «Россия сегодня» Дзмітрый Кісялёў, парушае заканадаўства краіны, піша The Moscow Times.

Да гэтага ў сераду МЗС Арменіі выклікала амбасадара РФ Сяргея Капыркіна ў сувязі з выпускам гэтай праграмы ад 12 студзеня і ўручылда яму ноту пратэсту. У ведамстве адзначылі, што Кісялёвым былі «агучаныя штучна генераваныя наратывы, накіраваныя супраць суверэнітэту і тэрытарыяльнай цэласнасці рэспублікі».

Абурэнне ўладаў выклікаў сюжэт, прысвечаны дачыненням Ерэвана з Баку. У ім Кісялёў закрануў тэму Зангезурскага (Сюніцкага) калідора, з дапамогай якога Азербайджан хоча звязаць асноўную тэрыторыю краіны са сваім эксклавам — Нахічэванню, а адтуль — пракласці дарогу ў Турцыю. Прапагандыст заявіў, што прэм'ер-міністр Арменіі Нікол Пашынян «цалкам праігнараваў і ўласныя абавязацельствы па трохбаковым пагадненні» ад 10 лістапада 2020 года, удзельнікам якога была Расея, і катэгарычнае патрабаванне прэзідэнта Азербайджана Ільхама Аліева адкрыць Зангезурскі калідор, прапанаваўшы замест гэтага свой праект «Перекресток мира». Пры гэтым Ерэван не браў на сябе абавязацельства па пракладцы гэтага маршруту: у пагадненні гаворыцца толькі аб «гарантыях бяспекі транспартных злучэнняў» паміж Азербайджанам і Нахічэванню.

Паралельна Кісялёў узгадаў Пашыняну ягоныя словы аб тым, што Арменія «прайшла пункт невяртання» ў дачыненнях з АДКБ, і абвінаваціў палітыка ў падрыхтоўцы да «новай вайны» з Азербайджанам. На думку прапагандыста, пра гэта сведчаць закупы зброі ў Францыі. Таксама ён звярнуў увагу на тое, што Арменія запусціла працэс уступлення ў Еўразвяз, і працытаваў віцэ-прэм'ера Расеі Аляксея Аверчука, які даў зразумець, што тады рэспубліцы давядзецца пакінуць ЕАЭС, бо нельга сумяшчаць чаленства ў абедзвюх арганізацыях. Каментуючы скандал, які выбухнуў, Кісялёў заявіў, што не ведае, якое канкрэтна яго выказванне ў перадачы «закранула армянскіх братоў».

Да гэтага, у сакавіку 2024 года, Арменія заблакавала трансляцыю аўтарскіх праграм «Вечар» прапагандыста Уладзіміра Салаўёва. Пастанова была прынятая праз «сталыя парушэнні», зафіксаваныя Камісіяй па тэлевізіі і радыёвяшчанні (ТРК). Радыё Свабода паведамляла, што апошняй кропляй уладаў стаў выпуск ад 25 лютага, дзе прагучалі абразы на адрас Арменіі ды яе кіраўніцтва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com