Генеральны сакратар NATO: Мы павінны больш падтрымліваць Украіну, каб змяніць ход вайны
3- 15.01.2025, 20:18
- 1,020
Паводле ягоных словаў, варожыя дзеянні Расеі супраць краінаў NATO таксама ўзмацняюцца.
Краіны NATO павінны больш падтрымліваць Украіну. Такім чынам можна змяніць ход вайны.
Пра гэта піша РБК-Украіна са спасылкай на заяву генеральнага сакратара NATO Марка Рутэ.
Паводле ягоных словаў, каб прадухіліць вайну, трэба да яе рыхтавацца.
«Час перайсці да мыслення вайсковага часу. Трэба ўзмацніць абарону, больш выдаткоўваць, рабіць лепшае ўзбраенне. Павінны больш падтрымліваць Украіну, каб змяніць хаду вайны. Мы ўсё хочам, каб гэта (вайна, – рэд) скончылася. Але найперш мы хочам, каб мір прадаўжаўся», – сказаў ён.
Рутэ адзначыў, што сусветная будучая бяспека пад пагрозай – вайна Расеі супраць Украіны прадаўжаецца, а варожыя дзеянні Расеі супраць краінаў NATO ўзмацняюцца – кібератакі, замахі, дыверсіі і таму падобнае.
«Раней мы называлі гэта гібрыдным, але гэта дэстабілізоўныя дзеянні і кампаніі. Расея спрабуе аслабіць дэмакратыі і падарваць свабоду, і яна не адна. Яе падтрымліваюць Кітай, Паўночная Карэя і Іран. Між тым захоўваюцца і іншыя пагрозы – ад тэрарызму да ядзернай зброі, дэзынфармацыі і змены клімату», – прадоўжыў генеральны сакратар.
Таму паводле словаў Рутэ, «карціна выглядае не вельмі добра».
«Але мы дакладна ведаем, што рабіць для абароны. Мы ўжо шмат робім тут разам. Усе хаўруснікі павялічваюць інвестыцыі ў абарону. Дзякуючы вам, вайсковыя лідары, маем надзейныя ваенныя планы. Боегатоўнасць нашых сілаў вырасла. Ваенныя вучэнні сталі большымі і часцейшымі. Гэта ўсё важна, але недастаткова для супрацьдзеяння пагрозам на 4-5 гадоў», – канстатаваў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
