Беларуская АЭС па-ранейшаму не працуе

Гэта пацвердзіў гендырэктар «Белэнэрга».

Беларуская АЭС па-ранейшаму не працуе. Гэта пацвердзіў у сераду гендырэктар «Белэнэрга» Андрэй Панчанка. Паводле ягоных словаў, першы энэргаблок усё яшчэ на «планава-папераджальным рамонце», а на другім прадаўжаецца «дыягностыка датчыкаў».

«З улікам таго, што такіх датчыкаў на блоку вялікая колькасць, іх рэвізія займае пэўны час», – цытуе словы Панчанкі прэс-служба Міністэрства энэргетыкі.

Мінэнэргетыкі прызнала, што другі энэргаблок БелАЭС не працуе, амаль месяц таму. Яго «часова адключылі ад сеткі» пасля «спрацоўвання аднаго з датчыкаў». З таго часу прадаўжаецца іх «дыягностыка». Сцвярджалася, што гэтыя дзеянні «не ўплываюць на бяспеку працы станцыі і яе абсталявання».

Пра тое, што другі энэргаблок адключаны праз парушэнне герметычнасці першага контуру, раней стала вядома з неафіцыйных крыніцаў. І адбылося гэта яшчэ ў ноч на 4 снежня 2024-га.

Першы энэргаблок Беларускай АЭС на «планавым рамонце» з пачатку снежня. Другі энэргаблок быў на рамонце летам-восенню, у сярэдзіне кастрычніка яго ўключылі ў сетку. Але нешта пайшло не так.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com