Будынак у Гародні трапіў у шорт-ліст міжнароднай архітэктурнай прэміі

На конкурс праект прадставіў ягоны аўтар.

Гандлёвы цэнтр на вуліцы Вялікая Траецкая ў Гародні ўвайшоў у шорт-ліст міжнароднай прэміі, прысвечанай дызайнерскім і архітэктурным ідэям TraMod Awards, паведамляе hrodna.life.

На конкурс праект прадставіў ягоны аўтар, архітэктар Віктар Варабей.

TraMod Awards арганізуе аднайменная акадэмія, якая вывучае ўзаемадзеянне традыцыі і сучаснасці ў архітэктуры і дызайне. Удзельнікамі конкурсу сталі архітэктары і дызайнеры з Індыі, Турцыі, Канады, Аўстраліі, Гішпаніі і Англіі.

Будынак у Гародні ўжо раней атрымліваў узнагароды на міжнародных архітэктурных конкурсах.

У чэрвені 2021 года праект атрымаў сярэбраны дыплом незалежнага архітэктурнага рэйтынгу «Залатая капітэль», дыплом ХХ рэспубліканскага конкурсу на найлепшы «праект» і «будаўніцтва», а таксама ўвайшоў у шорт-ліст міжнароднай прэміі Eurasian Prize.

У 2024 годзе будынак быў узнагароджаны срэбрам на міжнароднай архітэктурнай прэміі IAD Awards 2024 Architecture & Design Community.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com