Дзеці, якія нарадзіліся ў 2025 годзе, будуць прадстаўнікамі пакалення бэта

Галоўным яго адрозненнем стане паўсядзённае выкарыстанне ШІ.

Дзеці, народжаныя ў 2025 годзе, стануць першымі прадстаўнікамі новага пакалення бэта, напісаў у сваім блогу аўстралійскі дэмограф і сацыяльны даследнік Марк Макрындл. Ён прыдумаў тэрмін «пакаленне альфа», да якога адносяць людзей, народжаных у перыяд з 2010 да 2024 года, піша РБК.

Новае пакаленне прадоўжыцца да 2039 года, а да 2035 года ягоныя прадстаўнікі будуць складаць 16% насельніцтва свету. Многія дажывуць да XXII стагоддзя, мяркуе Макрындл.

Раней кожнаму новаму пакаленню прысвойвалася чарговая літара лацінскага алфавіту. Напрыклад, народжаныя ў 1964–1980 гадах сталі пакаленнем X, з 1981 да 1996 года – пакаленнем Y, або міленіяламі. Апошнюю літару Z атрымалі зумеры (1997–2010). Уводзячы тэрмін «пакаленне альфа», Макрындл хацеў падкрэсліць, што сучасныя дзеці нарадзіліся ў зусім новай эпосе, сярод іншага не ведалі жыцця без новых тэхналогій.

Пакаленне бэта, паводле словаў сацыёлага, будзе жыць у свеце, дзе штучны інтэлект і аўтаматызацыя з'яўляюцца неад'емнай часткай паўсядзённага жыцця – ад адукацыі і працоўных месцаў да аховы здароўя і забаваў. «Яны вырастуць у свеце, сфармаваным тэхналагічнымі прарывамі, якія змяняюцца сацыяльнымі нормамі і ростам увагі да ўстойлівага развіцця», – піша Макрындл.

У той самы час, адзначае ён, народжаныя пасля 2025 года «атрымаюць у спадчыну свет, які змагаецца з сур'ёзнымі сацыяльнымі праблемамі», у тым ліку зменай клімату. Праз гэта прадстаўнікі новага пакалення будуць больш «схільнымі да супрацоўніцтва, чым калі-небудзь раней» і глабальнымі думаннікамі.

Даследнік Джэйсан Дорсі адзначае, што пакаленне бэта пачне сваё жыццё зусім інакш, чым пакаленне альфа. Сярод іншага, дзеці мільяніялаў і зумераў народзяцца ў «постпандэмійным свеце» і не сутыкнуцца з закрыццём школаў і сацыяльнай ізаляцыяй праз COVID-19, якія незваротна паўплывалі на іх старэйшых братоў і сясцёр і іншых сваякоў. Неад'емнай часткай жыцця пакалення бэта стануць «разумныя» прылады і штучны інтэлект. «Змяненне клімату па-ранейшаму будзе для іх вельмі вялікай праблемай», – упэўнены эксперт.

Паводле словаў Дорсі, для міленіялаў падзеяй, якая вызначае свядомасць пакалення, сталі тэракты 11 верасня 2001 года, а для зумераў – пандэмія. Які менавіта момант стане ключавым для прадстаўнікоў альфа і бэта, пакуль гаварыць рана.

Некаторыя даследнікі крытыкуюць тэорыю пакаленняў. Напрыклад, у даследчым цэнтры Pew Research Center мяркуюць, што больш важнымі чыннікамі, якія вызначаюць агульнасць групы, з'яўляюцца раса і клас.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com