У спіс неспрыяльных для сельскай гаспадаркі трапіла больш за палову раёнаў Беларусі

У Гомельскай вобласці такія амаль усе раёны.

Амаль усе раёны Гомельскай вобласці зноў прызнаныя неспрыяльнымі для сельскай гаспадаркі. Гэта вынікае з пастановы «ўраду», у якой вызначаныя раёны з неспрыяльнымі ўмовамі для вядзення сельскай гаспадаркі на 2025–2029 гады, піша «Люстэрка».

У спісе неспрыяльных 65 са 118 раёнаў Беларусі. У Гомельскай вобласці такія амаль усе раёны – за выключэннем Жлобінскага (20 з 21).

Спіс неспрыяльных для сельскай гаспадаркі рэгіёнаў абнаўляецца раз на пяць гадоў. У параўнанні з мінулай пастановай «ураду» для Гомельскай вобласці нічога не змянілася – тыя ж 20 раёнаў з 21 былі прызнаныя неспрыяльнымі для сельскай гаспадаркі.

Гэта значыць, што ў такіх раёнах праз прыродна-кліматычныя, глебавыя, экалагічныя і сацыяльна-эканамічныя паказнікі немагчымая арганізацыя высокарэнтабельнай вытворчасці. Таму сельгаспрадпрыемствы ў такіх раёнах атрымліваюць даплаты з мясцовых бюджэтаў на вырабленую прадукцыю.

Пры тым, што ў Гомельскай вобласці дзель земляў сельскагаспадарчага прызначэння ў агульнай плошчы складае 30 адсоткаў. Паводле гэтага паказніку рэгіён займае апошняе месца ў краіне, гаворыцца ў інфармацыі галоўнай управы землеўпарадкавання аблвыканкама.

У той самы час агульная плошча земляў Гомельскай вобласці складае 4038,2 тыс.га – рэгіён займае першае месца ў краіны паводле плошчы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com