Партугалія будзе набываць больш ЗПГ з ЗША і Нігерыі

Каб спыніць пастаўкі з РФ.

Партугалія плануе павялічыць набыццё звадкаванага прыроднага газу ў Злучаных Штатах і Нігерыі, паколькі яна імкнецца спыніць пастаўкі з Расеі, якія ўжо скарачаюцца, заявіла ў аўторак міністарка навакольнага асяроддзя Марыя да Грака Карвалью, паведамляе Reuters.

У 2024 годзе Партугалія імпартавала 49141 гігават-гадзіну (ГВт-г) прыроднага газу, з якіх прыкладна 96% складаў звадкаваны прыродны газ (ЗПГ). Паводле звестак аператара электрычных і газавых сетак REN, асноўнымі пастаўшчыкамі ЗПГ сталі Нігерыя (51%), ЗША (40%) і Расея (4,4%).

Яшчэ ў 2021 годзе Расея забяспечвала 15% паставак ЗПГ у Партугалію. Аднак пасля ўварвання РФ ва Украіну ў лютым 2022 года Еўрапейскі Звяз увёў санкцыі, якія абмяжоўваюць імпарт расейскай нафты і газу па трубаправодах. У той самы час імпарт ЗПГ, які транспартуецца марскімі шляхамі, санкцыямі не забаронены.

«Партугалія цяпер практычна незалежная ад расейскага газу, але мы імкнемся яшчэ больш знізіць гэтую залежнасць, павялічваючы імпарт з Нігерыі і ЗША», – заявіла Грака Карвалью падчас дыскусіі на Сусветным эканамічным форуме ў Давосе, паведамляе эканамічны партал ECO.

Міністарка энэргетыкі Партугаліі адзначыла неабходнасць большай інтэграцыі сярод 27 краінаў ЕЗ для ўзмацнення энэргетычнай незалежнасці. У той самы час яна сказала, што Іберыйскі паўвостраў усё яшчэ застаецца «энэргетычнай выспай» праз складанасці з будаўніцтвам газавых злучэнняў з Францыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com