Памёр французскі рэжысёр Бертран Бліе

Ён уважаецца за аднаго з класікаў французскага кінематографу.

Французскі кінарэжысёр, сцэнарыст і пісьменнік Бертран Бліе памёр ва ўзросце 85 гадоў, паведамляеLe Figaro.

Паводле словаў сям'і Бліе, ён памёр 21 студзеня ў сябе дома ў Парыжы ў асяроддзі жонкі і дзяцей.

Бертран Бліе ўважаецца за аднаго з класікаў французскага кінематографу 1970–1980-х гадоў. Сярод іншага, ён зняў такія знакавыя карціны, як «Вальсуючы» (1974), «Падрыхтуйце вашы насоўкі» (1978), «Халодныя закускі» (1979), «Вечаровая сукенка» (1986) і «Занадта прыгожая для цябе» (1989). Рэжысёр рэгулярна супрацоўнічаў з Жэрарам Дэпардзье – з ролі ў фільме «Вальсуючы» фактычна пачалася сусветная слава акцёра.

Карціна Бліе «Падрыхтуйце вашыя насоўкі» была ўганараваная прэміяй «Оскар» як найлепшы фільм на замежнай мове 1979 года. «Занадта прыгожая для цябе» была ўдастоеная Гран-пры журы Канскага фестывалю 1989 года, а пасля яшчэ пяці французскіх нацыянальных кінаўзнагародаў «Сезар».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com