Сабака стаў прычынай пажару ў Менску

Загінула жанчына і дзве жывёліны.

Трагедыя ў адным са сталічных шматпавярховікаў здарылася ў лістападзе 2024 года. Ратавальнікі, якія прыехалі на месца, канстатавалі смерць 79-гадовай жанчыны і двух сабак. Смерць наступіла праз угарны газ і тэрмічныя апёкі, паведамляе Дзяржаўны камітэт судовых экспертыз.

Падчас агляду кватэры супрацоўнікі ДКСЭ знайшлі фрагменты мабільнага тэлефона і накіравалі яго на даследаванне ў лабараторыю. У выніку пажарна-тэхнічная экспертыза ўстанавіла, што прычынай узгарання стала кароткае замыканне ўнутры акумулятара тэлефона.

«У разгляданым выпадку падставай да ўзнікнення кароткага замыкання мог паслужыць фізічны фактар – дэфармацыя батарэі, выкліканая прыкладзенай вонкавай сілай», – распавядаюць эксперты.

Сітуацыю крыху растлумачылі сваякі загінулай жанчыны. «Адна з жывёлін, якая загінула ў кватэры, мела звычку ў выпадку падзення на падлогу пульта дыстанцыйнага кіравання або мабільнага тэлефона браць іх у зубы і насіць па пакоі, успрымаючы іх як цацку, што ў сукупнасці з усімі ўсталяванымі абставінамі і вынікамі судовай экспертызы магло паслужыць падставай да ўзнікнення аварыйнага рэжыму ў мабільным тэлефоне», - сказана ў паведамленні ведамства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com