У спарткомплексе «Раўбічы» паскардзіліся на дэфіцыт снегу

Трасы не гатовыя да будучых спаборніцтваў фрыстайлістаў і біятланістаў.

Намеснік дырэктара ў адміністрацыйна-гаспадарчай працы РЦАП «Раўбічы» Леанід Карась заявіў, што спарткомплекс пакуль не гатовы да будучых спаборніцтваў фрыстайлістаў і біятланістаў. Прычына – надвор'е, паведамляе «Люстэрка».

«У Раўбічах гэта ўжо 20-ы сезон у мяне. І, сапраўды прызнаюся, такой сітуацыі не было ніколі. Ужо сярэдзіна зімы прайшла, а ў нас з адмоўнымі тэмпературамі былі толькі чатыры дні. Але і ў гэтых умовах мы змаглі падрыхтаваць 3,5 км трасы на сёння, але для правядзення спаборніцтваў гэтага яшчэ недастаткова. Трэба закрываць стадыён, трасы закальцоўваць – ёсць яшчэ над чым працаваць», – сказаў Карась.

На ягоную думку, адно з выйсцяў з сітуацыі – скарачэнне дыстанцый для біятланістаў. З 13 да 24 лютага ў Раўбічах у беларусаў запланаваныя спаборніцтвы з расейцамі ў рамках «Кубка наймацнейшых спартоўцаў». А з 30 студзеня да 9 лютага павінны адбыцца два супольныя з расейцамі старты сярод фрыстайлістаў.

«Спадзяюся, што надвор'е стане больш спрыяльным. Калі хоць адна ноч з мінусам будзе, усе пытанні [з падрыхтоўкай трасы ў біятлоне], якія ў нас ёсць, здымуцца. З фрыстайлам складаней», – заявіў намеснік дырэктара.

Дарэчы, шматпакутны схіл у спарткомплексе для выступаў лыжных акрабатаў, як запэўніў Карась, усё ж рэканструявалі.

Нагадаем, біятланісты і фрыстайлісты з Беларусі з пачатку вайны ва Украіне адхіленыя ад міжнародных стартаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com