Кыргызстан забараніў насіць нікаб у грамадскіх месцах

За парушэнне пагражае буйны штраф.

Прэзідэнт Кыргызстана Садыр Жапараў зацвердзіў заканадаўчыя змены ў рэлігійнай сферы, абмежаваўшы нашэнне нікабаў – мусульманскага адзення, якое амаль цалкам хавае твар. Ён падпісаў законапраект, што забараняе насіць у грамадскіх месцах адзенне, якое «не дазваляе ідэнтыфікаваць асобу», паведамляецца ў аўторак, 21 студзеня, на афіцыйным сайце кіраўніка Кыргызстана.

Выключэнне складае адзенне, звязанае з працоўнай і службовай дзейнасцю або якое закрывае твар паводле медыцынскіх паказанняў.

Акрамя таго, папраўкі прадугледжваюць забарону «навяртаць у сваю рэлігію паслядоўнікаў іншых веравучэнняў, рэлігійна нейтральных людзей і атэістаў», а таксама праводзіць рэлігійныя рытуалы ў дамах састарэлых, турмах, воінскіх частках і іншых установах. Забараняецца таксама распаўсюджваць рэлігійную літаратуру і іншыя матэрыялы ў навучальных установах, грамадскіх месцах і пры абыходзе дамоў.

У выпадку парушэння любога з пунктаў прадугледжаны штраф памерам 20 тысячаў сомаў (у пераліку блізу 220 еўраў). Парламент Кыргызстана Жагарку Кенеш падтрымаў законапраект у канцы снежня 2024 года.

Нашэнне рэлігійнага адзення, якое хавае твар – нікаба і паранджы – у грамадскіх месцах забароненае ў цэлым шэрагу краінаў, сярод іншых у Францыі, Даніі, Нідэрландах і многіх іншых краінах ЕЗ, а таксама ў шэрагу іншых дзяржаваў, напрыклад у Шры-Ланцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com