Фон дэр Ляен заклікала ЕЗ адмовіцца ад паставак расейскага газу

Кіраўніца Еўракамісіі адзначыла, што ў гэтым кірунку неабходна супрацоўнічаць з ЗША.

Кіраўніца Еўракамісіі Уршуля фон дэр Ляен мяркуе, што Еўразвяз павінен адначасова поўнасцю адмовіцца ад расейскага газу і знізіць кошты энэргіі ў Еўропе. Пра гэта яна заявіла, выступаючы на сесіі Еўрапарламента ў Страсбургу.

«Кошты энэргетычных рэсурсаў у Еўропе застаюцца сістэмна вышэйшымі, чым у ЗША і Кітаі. Яны таксама моцна адрозніваюцца паміж рознымі краінамі ЕЗ. Мы павінны іх знізіць, у той час як мы заканчваем адмову ад расейскага паліва. Абедзве гэтыя задачы важныя, нам трэба іх дасягнуць», – сказала фон дэр Ляен.

Яна адзначыла, што ў гэтым кірунку неабходна супрацоўнічаць з ЗША, набываючы ў краіны больш звадкаванага прыроднага газу.

Акрамя таго, кіраўніца ЕК заявіла пра неабходнасць пашырэння інвестыцый у так званыя зялёныя тэхналогіі, у тым ліку ў зялёныя тэхналогіі новага пакалення. Паводле ейных словаў, пералічаныя задачы стануць галоўнымі ў новым энэргетычным плане, які Еўракамісія прапануе ў лютым гэтага года.

Нягледзячы на намаганні еўрапейскіх палітыкаў адмовіцца ад паставак расейскага газу, сыравіна па-ранейшаму паступае ў сховішчы шэрагу краінаў. У пачатку студзеня Bloomberg паведаміў, што ЕЗ прадоўжыць набываць рэкордныя аб'ёмы расейскай сыравіны ў выглядзе ЗПГ, нягледзячы на спыненне з 1 студзеня 2025 транзіту праз Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com