Пастанову аб будаўніцтве новай АЭС у Беларусі прымуць сёлета

Пры гэтым старая ўжо паўтара месяца не вырабляе электрычнасці.

Беларусь падыходзіць да заканчэння распрацоўкі тэхніка-эканамічнага абгрунтавання (ТЭА) для будаўніцтва другой атамнай электрастанцыі або дадатковага энэргаблока на ўжо дзейнай БелАЭС. Аб гэтым паведаміў намеснік міністра энэргетыкі Беларусі Дзяніс Мароз, паведамляе БелТА.

З яго слоў, канчатковая пастанова аб праекце будзе прынятая ўжо сёлета.

«Па вялікім рахунку, мы ў рамках гэтага тэхніка-эканамічнага абгрунтавання аналізуем тое, пры якіх умовах і ў якіх параметрах мусіць быць атамная электрастанцыя для таго, каб паспяхова інтэгравацца ў беларускую энэргасістэму. Тэрміны, пастаўленыя кіраўніком дзяржавы, - гэта 2025 год. Мы блізкія да фінішу ў гэтай працы. Упэўнены, што ў 2025 годзе пастанова будзе канчаткова прынятая», - сказаў Мароз.

Нагадаем, Аляксандр Лукашэнка мае намер абмеркаваць будаўніцтва новай атамнай станцыі з Уладзімірам Пуціным. Аб новай АЭС ён гаварыў і падчас наведвання Менскага тэхнапарка ў студзені.

Пры гэтым адзначым, што з 4 снежня 2024 года БелАЭС часова не вырабляе электрычнасць: абодва блокі спыненыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com