Пракурор МУС патрабуе ордары на арышт новых сяброў Лукашэнкі

Іх падазраюць у злачынствах супраць чалавечнасці.

Пракурор Міжнароднага крымінальнага суда ў Гаазе Карым Хам звярнуўся да суда з хадайніцтвам аб выдачы ордараў на арышт лідараў радыкальнага руху «Талібан», які кіруе ў Афганістане, паводле падазрэнняў у здзяйсненні злачынстваў супраць чалавечнасці ў сувязі з пераследам людзей на падставе іх гендарнай прыналежнасці. «Радио Свобода»

Як гаворыцца ў апублікаванай на сайце суда заяве Хана, пракурор просіць суд выдаць ордары на арышт вярхоўнага лідара «Талібана» Хайбатулы Ахундзады, а таксама кіраўніка прызначанага талібамі Вярхоўнага суда Абдула Хакіма Хакані. У дачыненні да іх выстаўленыя абвінавачанні ў пераследзе жанчынаў і дзяўчатаў, а таксама тых, хто заступаецца за іх, і асобаў, якія не адпавядаюць чаканням талібаў у сферы гендарнай ідэнтычнасці і яе выказвання.

Гаворка ідзе пра мноства парушэнняў правоў жанчынаў у Афганістане і пра звязаныя з імі рэпрэсіі, уключаючы забойствы, катаванні, турэмныя зняволенні і сэксуалізаваны гвалт.

Пастанову, ці выдаваць ордары на арышт, павінен прыняць Міжнародны крымінальны суд.

Вярнуўшыся да ўлады ў Афганістане ў 2021 годзе, рух «Талібан» рэзка абмежаваў правы жанчынаў, сцвярджаючы, што выконвае патрабаванні ісламскага права – шарыяту.

Афганістан фармальна з'яўляецца ўдзельнікам Рымскага статуту, гэта значыць юрысдыкцыя МУС на яго распаўсюджваецца. Аднак удзел у ягонай працы прымаў ранейшы ўрад краіны, скінуты талібамі і цяпер не існы. Заяву Хана талібы пакуль не каментавалі.

Адзначым, 12 студзеня (дэлегацыя беларускіх чыноўнікаў прыбыла ў Кабул для перамоваў) з прадстаўнікамі «Талібана». У ходзе сустрэчы абмяркоўваліся пытанні эканамічнага і палітычнага супрацоўніцтва паміж Беларуссю і Афганістанам, а таксама іншыя аспекты супольнай дзейнасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com