Расейцы спалілі 100 целаў сваіх салдатаў, каб не забіраць іх з поля бою

Дзіўная цынічнасць.

Каля Часівага Яра расейскія захопнікі падпалілі калектар, дзе пасля авіяўдару УСУ 9 студзеня загінула блізу 100 іх вайскоўцаў. Гэта было зроблена для таго, каб не забіраць целы сваіх салдатаў і схаваць вялікія страты.

Як паведамляе «РБК-Украіна», пра гэта расказаў спікер аператыўна-тактычнай групоўкі «Луганск» Зміцер Запарожац у эфіры тэлемарафону.

Паводле ягоных словаў, 4–8 студзеня Сілы абароны зафіксавалі актыўнасць ворага ў раёне канала Северскі Данец.

Вораг выкарыстоўваў перыяд густых туманоў і абмежаваную бачнасць для перамяшчэння па трубах канала да калектара ў Калінаўцы паблізу Часівага Яра. За чатыры дні зафіксавалі больш за 100 акупантаў.

«Вораг зладзіў сховішча ў калектары. 9 студзеня па зборы ворага быў нанесены авіяўдар. Верагодна, што тая колькасць асабовага складу, якая там назбіралася – больш за 100 чалавек – была знішчаная», – расказаў Запарожац.

А 21 студзеня, паводле словаў спікера, вораг арганізаваў падпал, верагодна, каб схаваць страты і ўнікнуць эвакуацыйных мерапрыемстваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com