У Менску адбылася выцечка газападобнага азоту

«Белнафтахім» расказаў, ці ёсць небяспека для людзей.

23 студзеня на магістральным трубаправодзе на адной са сталічных вуліцаў знайшлі пропуск газападобнага азоту. Інфармацыя пра гэта з'явілася ў афіцыйным тэлеграм-канале канцэрна «Белнафтахім».

Паводле звестак «Белнафтахіма», інфармацыя паступіла ад прадпрыемства «Крыён», якое таксама знаходзіцца ў Менску і займаецца выпускам крыягенных прадуктаў. Выцечку выявілі на адрэзку магістральнага трубаправода ў раёне вуліцы Машынабудаўнікоў на скрыжаванні з Менскай кальцавой аўтадарогай.

Газападобны азот можа ўяўляць небяспеку для чалавека, але толькі ў вялікіх канцэнтрацыях і пры доўгім уздзеянні. У гэтым выпадку азот пачынае дзейнічаць у якасці задушлівага сродку, выклікаючы дыхавіцу, паколькі фактычна замяняе кісларод ва ўдыхальным паветры, што прыводзіць да гіпаксіі. У гэтым выпадку неўнікнёнае ўздзеянне на цэнтральную нервовую сістэму і таксічная параза арганізма.

У «Белнафтахіме» падкрэслілі, што гэтая выцечка газу не ўяўляе небяспекі для менчукоў. Сам газ не з'яўляецца выбухованебяспечным і не наносіць экалагічнай шкоды прыродзе.

Утрыманне азоту ў атмасферным паветры, паводле звестак прадпрыемства, адпавядае норме – 78%. У канцэрне адзначылі, што на працы прадпрыемстваў-спажыўцоў газападобнага азоту надзвычайнае здарэнне не адбілася, а спецыялісты цяпер працуюць над ліквідацыяй выцечкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com