МЗС Украіны: Лукашэнка дзейнічае насуперак інтарэсам беларускага народа

Дыктатар з'яўляецца хаўруснікам і суўдзельнікам Пуціна ў вайне супраць Украіны.

Украіна салідарная з пазіцыяй дэмакратычных дзяржаваў, якія не прызнаюць так званыя «выбары прэзідэнта» Беларусі, і не бачыць перадумоваў для аднаўлення кантактаў з дзейнай беларускай уладай.

Пра гэта на брыфінгу ў чацвер, 23 студзеня, заявіў прадстаўнік украінскага Міністэрства замежных справаў Георгій Ціхі.

Ціхі зазначыў, што назваць галасаванне ў Беларусі «прэзідэнцкімі выбарамі» няма падставаў, а ягоныя вынікі вядомыя загадзя.

«Для нас відавочна, што Аляксандр Лукашэнка прадоўжыць заставацца хаўруснікам і суўдзельнікам Пуціна ў ягонай вайне супраць Украіны, што адбываецца насуперак інтарэсам беларускага народа», – дадаў ён.

Прадстаўнік МЗС падкрэсліў, што Кіеў не бачыць «ніякіх перадумоваў для аднаўлення кантактаў з Аляксандрам Лукашэнкам, таму пытанне прызнання ягонай легітымнасці пасля абвяшчэння афіцыйных вынікаў для нас не з'яўляецца актуальным».

«Мы таксама салідарныя з пазіцыяй дзяржаваў – чальцоў ЕЗ, ЗША, Канады, Вялікай Брытаніі і іншых дэмакратычных краінаў аб адсутнасці цяпер у Беларусі базавых умоваў для правядзення сумленных і празрыстых выбараў у адпаведнасці са стандартамі АБСЕ», – адзначыў Ціхі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com