У Беларусі рыхтуюць новаўвядзенні ў рабоце начных крамаў, кавярняў і рэстарацый

Стала вядома, што можа змяніцца.

У Беларусі прапануюць перагледзець патрабаванні да крамаў і ўстаноў грамадскага харчавання, якія працуюць у начны час. Пра гэта паведамляе Савет па развіццю прадпрымальніцтва.

Бізнэс-асацыяцыі і чыноўнікі на нарадзе ў Міністэрстве антыманапольнага рэгулявання і гандлю абмеркавалі рэгуляванне часу і ўмоў працы начных крамаў, кавярняў і рэстарацый.

Бізнэс казаў аб праблемах, якія ўзнікаюць у такіх арганізацыях (якіх менавіта, не ўдакладняецца) і прапаноўваў варыянты, як іх развязваць. Як паведамляецца, на сустрэчы дамовіліся распрацаваць захады, каб палепшыць працу такіх аб'ектаў у начны час.

«Пастаўленая задача забяспечыць выкананне інтарэсаў жыхароў найбліжэйшых тэрыторый не толькі ў частцы набыцця тавараў і паслуг ва ўсякі зручны для іх час, але і ў частцы стварэння камфортных умоў пражывання», - адзначаюць у бізнэс-асацыяцыі.

Цяпер крамы, рэстарацыі і кавярні ўзгадняюць з мясцовымі ўладамі рэжым працы ў начны час у тым выпадку, калі яны прадаюць алкаголь з 23.00 да 07.00.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com