Камісія парламента Арменіі ўхваліла законапраект пра ўступленне ў ЕЗ

Ерэван дыстанцуецца ад РФ.

Камісія парламента Арменіі ў пытаннях еўраінтэграцыі ўхваліла законапраект пра ўступленне краіны ў Еўразвяз. Пра гэта паведамляе агенцтва «Арменпрэс».

Пры гэтым прысутныя на абмеркаванні дэпутаты фракцыі «Аястан» заявілі, што не будуць удзельнічаць у галасаванні. Фракцыя складаецца з 11 дэпутатаў. У парламенце Арменіі 107 чалавек.

Прэс-сакратар спікера Нацыянальнага сходу Маўсес Аруцюнян заявіў, што законапраект унясуць у парадак дня пасяджэння парламента і разгледзяць на сесіі 11–14 лютага. Паводле ягоных словаў, стасункі краіны з Еўразвязам апошнія гады сталі больш інтэнсіўнымі і дынамічнымі. Ён адзначыў, што краіна атрымлівае з боку арганізацыі падтрымку, а таксама размяшчае місіі цывільных наглядальнікаў і гатовая спрыяць эканамічнай устойлівасці краіны.

9 студзеня ўрад Арменіі ўхваліў праект закона пра ўступленне краіны ў Еўразвяз. Прэм'ер-міністр рэспублікі Нікол Пашынян адзначаў, што пастанова пра ўступленне краіны ў ЕЗ павінна быць прынятая шляхам усенароднага рэферэндуму.

Ён неаднаразова крытыкаваў АДКБ за неаказанне дапамогі падчас канфлікту Арменіі і Азербайджана ў Нагорным Карабаху. У лютым 2024 года ён заявіў, што ўдзел краіны ў АДКБ, «у якім дамінуе Масква», замарожаны. 12 сакавіка 2024 года Пашынян паведаміў, што Арменія выйдзе са складу, калі арганізацыя не выканае сваіх абавязальніцтваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com