«Асадаўскі сцэнар» у Расеі становіцца ўсё больш рэальным»
3- 29.01.2025, 8:48
- 10,494
Пуцін будзе публічна прыніжаны, нават калі пойдзе на перамовы.
За першы тыдзень на пасадзе прэзідэнта ЗША Дональд Трамп зрабіў некалькі гучных заяў, у тым ліку на адрас Расеі. Так кіраўнік Белага дома спрабуе падарваць аўтарытэт расейскага дыктатара Уладзіміра Пуціна ўнутры краіны.
Пра гэта ў інтэрв'ю УНІАН распавёў кіроўны партнёр Нацыянальнай антыкрызіснай групы Тарас Загарадні.
«Трамп - дасведчаны перагаворшчык, і разумее, што калі хочаш з кімсьці дамовіцца аб чымсьці, то не размаўляеш з ім у стылі «я - начальнік, ты – дурань», і не шантажуеш. Я думаю, што гэта ў большай ступені пасланне расейскім элітам, якое палягае ў тым, што, маўляў, прыбірайце гэтага псіха, і будзем размаўляць», - сказаў ён.
Загарадні падкрэсліў, што Трамп разумее тое, патрабаванні Пуціна нерэалістычныя для Захаду. Таму ён цісне на кіраўніка Крамля ў публічнай прасторы.
«Ці можа Трамп аддаць Запарожжа ці Данецкую вобласць яму, дэмантаваць вайсковую інфраструктуру NАТО ў Еўропе, зняць санкцыі з Расеі? Гэта абсалютнае трызненне. Таму ён цісне такім публічным спосабам для таго, каб Пуцін прыйшоў у сябе. Да таго ж, гэта падрыў пазіцыі Пуціна ўнутры краіны. Там патрыёты ўжо скавычуць, што Пуцін давёў краіну да такога стану, што амерыканцы размаўляюць з імі ультыматыўным тонам», - растлумачыў кіроўны партнёр Нацыянальнай антыкрызіснай групы.
Са слоў Загарадняга, Пуцін у кожным выпадку будзе публічна прыніжаны, нават калі пойдзе на перамовы.
«І гэта падкошвае, у першую чаргу, уладу Пуціна. Насамрэч гэта вельмі добра, што Трамп пачаў з ім так размаўляць. Гэта кажа аб тым, што «асадаўскі сцэнар» у Расеі становіцца ўсё больш рэальным», - рэзюмаваў ён.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
