У Польшчы ўкраінскі кіроўца надумаў пасадзіць за стырно беларуса

А сам схаваўся сярод пасажыраў.

Пад польскім Чэнстаховай транспартныя інспектары спынілі для праверкі аўтобус, які ехаў з Варшавы. За стырном быў беларускі кіроўца, але кантралёры ўстанавілі, што ён заняў гэтае месца толькі некалькі хвілін таму. А ўвесь астатні час аўтобусам кіраваў зусім іншы чалавек, які падчас праверкі паводзіў сябе як звычайны пасажыр. Пра гэты выпадак расказалі ў транспартнай інспекцыі Катавіцэ, заўважыў MOST.

Калі кіроўца займае месца за стырном, ён устаўляе карту ў тахограф. Па ім інспектары і ўстанавілі, што беларус прыняў на сябе кіраванне, толькі пабачыўшы кантрольны пункт. Да таго ж інспектары заўважылі, што мужчына моцна нервуецца.

Надумалі апытаць пасажыраў - так і стала вядома, што з Варшавы рэйс вёў іншы чалавек - грамадзянін Украіны, а беларус большую частку шляху толькі знаходзіўся ў салоне. Ранейшы кіроўца зараз сядзеў некалькімі шэрагамі далей, выдаючы сябе за звычайнага пасажыра. Мабыць, напарнікі падумалі, што інспектары не будуць унікаць у сітуацыю.

Паколькі тахограф не паказваў пройдзенай кіроўцам адлегласці ці хуткасці, інспектары адабралі ў беларуса пасвелдчанне кіроўцы, а таксама хацелі прызначыць штраф. Але той не пагадзіўся, відаць, мяркуючы, што за час знаходжання за стырном не дапусціў парушэнняў. Тады кіроўцу арыштавалі і даставілі ў суд, які аштрафаваў мужчыну на 1800 злотых (блізу 450 даляраў). Акрамя таго, інспектары правераць і працадаўцы кіроўцаў - польскую кампанію-перавозчыка. Яе могуць аштрафаваць на 5 тысяч злотых (1240 даляраў).

Кіроўцы даволі часта спрабуюць схаваць рэальны час, які праводзяць за рулём. Справа ў тым, што ў Еўропе дзейнічаюць даволі строгія нарматывы працы і адпачынку кіроўцаў. Але шмат хто перавышае дапушчальны час працы, а працадаўцы ціснуць на супрацоўнікаў, каб тыя выконвалі больш рэйсаў. Таксама адмова ад тахографа дазваляе схаваць парушэнні правіл: перавышэнне хуткасці ці рэзкае тармажэнне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com