Сірыя паставіла Расеі ультыматум

Дамаск запатрабаваў ад Масквы прызнаць "мінулыя памылкі" і выплаціць кампенсацыю.

Падчас візіту расейскай дэлегацыі ў Дамаск, першага пасля падзення рэжыму Башара Асада, новыя сірыйскія ўлады запатрабавалі ад Масквы прызнаць "мінулыя памылкі" і выплаціць кампенсацыю. Пра гэта гаворыцца ў заяве сірыйскіх уладаў па выніках перамоў, піша “Агенцтва”.

У заяве сірыйскіх уладаў гаворыцца, што падчас перамоў была падкрэслена "роля Расеі ў аднаўленні стасункаў з сірыйскім народам з дапамогай канкрэтных мер, такіх як кампенсацыі і садзейнічанне рэканструкцыі". "Новая адміністрацыя таксама падкрэсліла, што аднаўленне стасункаў павінна ўлічваць мінулыя памылкі", – гаворыцца ў паведамленні.

У дакуменце не ўдакладняецца, якую канкрэтна кампенсацыю Дамаск хоча атрымаць ад Масквы.

Кіраўнік расейскай дэлегацыі намеснік міністра замежных спраў Расеі Міхаіл Багданаў паведаміў, што перамовы з сірыйскім бокам прайшлі "добра". "Але мы разумеем, наколькі складаная сітуацыя", - дадаў ён.

У заяве Сірыі не згадваюцца дзве ключавыя расейскія вайсковыя базы ў Сірыі, якія Крэмль хоча захаваць, звяртае ўвагу Bloomberg. Багданаў паведаміў журналістам, што па гэтым пытанні не было дасягнута прагрэсу і што неабходны далейшыя перамовы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com