Кітай высмейвае расейскія Су-57
5- 29.01.2025, 16:25
- 15,918
Што не так са знішчальнікам-невідзімкай РФ.
Расейскі знішчальнік-невідзімка Су-57 Felon не апраўдвае чаканні што да экспарту. Мала таго, што заходнія санкцыі перашкаджаюць Расеі вырабляць самалёты ў значнай колькасці, так і нават Кітаю, як першаму патэнцыйнаму пакупніку, мяркуючы па ўсім, Су-57 не патрэбны. Пра гэта ў артыкуле на 19fortyfive.com напісаў экс-кансультант у пытаннях абароны і замежнай палітыкі, а таксама былы пяхотны афіцэр войска ЗША Брэнт М. Іствуд.
«Будучыня Су-57 як экспартнага поспеху застаецца невыразнай, асабліва з улікам праблем, з якімі сутыкаюцца патэнцыйныя пакупнікі пры абслугоўванні такога складанага самалёта, - адзначыў аўтар. - Кітай пакуль не з'яўляецца экспартным партнёрам для Су-57 і, магчыма, ніколі не набудзе гэты знішчальнік. У кітайцаў ужо ёсць знішчальнік-невідзімка J-20, падобны на Felon».
Пры гэтым Іствуд нагадаў, як увосень мінулага года Масква адправіла ў Кітай два прататыпы Felon на авіяшоў у Чжухаі. У выніку кітайцы «вярталі насы ад Су-57» і, як паведамлялася, «высмейвалі самалёты за іх дрэнную якасць вырабу і стан».
«Адна з праблем, з якой сутыкаюцца расейцы, - гэта цяжкасці з пераадоленнем заходніх санкцыяў. Перадавую электроніку складана дастаць, і нават калі б кітайцы заўтра замовілі Felon, Расея не змагла б выканаць умовы кантракта. Расея плануе атрымаць 76 Су-57 да 2028 года, і незразумела, ці будзе гэта дасягальным», - дадаў Брэнт М. Іствуд.
Таксама ён нагадаў, што расСМІ выхваляліся ўдзелам Су-57 у вайне супраць Украіны. Але, хутчэй за ўсё, знішчальнік выканаў абмежаваную колькасць місій, бо Расея занепакоеная наступствамі страты свайго новага знішчальніка.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
