Малдова не прызнала вынікі «выбараў» у Беларусі

Кішынёў падтрымаў заявы ЕЗ.

Рэспубліка Малдова не прызнае выбары ў Беларусі і падтрымлівае заявы Еўрапейскага Звязу (ЕЗ), паведамляе Міністэрства замежных справаў краіны.

Краіна з'яўляецца кандыдаткай на ўступленне ў ЕЗ і далучаецца да дэкларацый у пытаннях правоў чалавека, палітычнага ўдзелу і доступу грамадзянаў да незалежных сродкаў масавай інфармацыі, грамадзянскай апазіцыі, легітымнасці выбарчых працэсаў у краінах, дзе праводзяцца выбары.

Адзначаецца, што пастанова беларускіх уладаў не запрасіць дзяржавы-ўдзельніцы АБСЕ для назірання за «прэзідэнцкімі выбарамі» ў краіне 26 студзеня выклікае глыбокае шкадаванне і перашкаджае бесстаронняй і незалежнай ацэнцы выбарчага працэсу з боку БДІПЧ і Парламенцкай асамблеі АБСЕ.

«Што да вымярэння захавання правоў чалавека ў Беларусі на пляцоўцы АБСЕ, удакладнім, што Рэспубліка Малдова далучылася да дэкларацый аб неабходнасці захавання правоў чалавека ў Беларусі, ініцыяваных групамі дзяржаваў ці ЕЗ. Таксама нашая краіна далучылася да дэкларацыі Венскага механізму аб парушэннях правоў чалавека ў Беларусі (11 ліпеня 2024 года). Кампетэнтныя органы ў выбарчых пытаннях з Рэспублікі Малдова не былі запрошаныя для дэлегавання назіральнікаў на нядаўнія прэзідэнцкія выбары ў Рэспубліцы Беларусь», – падкрэслілі ў Кішынёве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com