Рэйс Дубай – Масква, які падаў сігнал бедства, экстранна сеў у Астрахані.

Самалёт падаў сігнал над Каспійскім морам.

Пасажырскі лайнер Boeing, які ляціць з Дубая ў Маскву, здзейсніў вымушаную пасадку ў аэрапорце Астрахані, паведамілі РБК у прэс-службе аэрапорта.

Раней гэты самалёт падаў сігнал бедства над Каспійскім морам. Потым, паводле звестак сэрвісу Flight Radar, яго перанакіравалі ў аэрапорт Астрахані.

«Рэйс DP992, які рухаўся па маршруце Дубай – Масква, здзейсніў змушаную пасадку ў аэрапорце Астрахані ў 19:16 (мясцовы час) з тэхнічных прычынаў», – гаворыцца ў паведамленні.

У авіякампаніі «Перамога», якой належыць лайнер, удакладнілі, што прычынай экстраннай пасадкі стала спрацоўванне датчыка загарання ў багажным адсеку.

У прэс-службе паветранай гавані дадалі, што пасажыры размешчаныя ў будынку аэравакзальнага комплексу, з імі працуюць прадстаўнікі авіякампаніі.

Раней, 24 студзеня, самалёт «Аэрафлота», які рухаўся са Стамбула ў Маскву, здзейсніў пазапланавую пасадку ў Астрахані – таксама праз спрацоўванне датчыкаў. Пасадка прайшла ў штатным рэжыме, пасажыраў накіравалі далей па маршруце на рэзервовым самалёце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com