ПАРЕ запатрабавала ад Грузіі правесці датэрміновыя парламенцкія выбары

РФ спрабуе «ператварыць Грузію ў Беларусь».

Парламенцкая Асамблея Рады Еўропы (ПАРЕ) прагаласавала за рэзалюцыю, прысвечаную актуальнай сітуацыі ў Грузіі. Дакумент прадугледжвае заклік да датэрміновых парламенцкіх выбараў.

Пра гэта паведамляе карэспандэнт РБК-Украіна са Страсбурга.

За рэзалюцыю прагаласавалі 114 дэлегатаў, супраць – 13, 7 устрымаліся.

У рэзалюцыі падкрэсліваюцца шматлікія праблемы з дэмакратыяй, якія апошнім часам назіраюцца ў Грузіі, у тым ліку парушэнні падчас леташніх парламенцкіх выбараў.

«Адкат Грузіі ў сферы дэмакратыі прадаўжаецца з беспрэцэдэнтнай хуткасцю», – адзначыла дакладніца рэзалюцыі з Латвіі Занда Калніня-Лукашэвіца.

У сувязі з гэтым у самым пачатку зімовай сесіі ПАРЕ паўнамоцтвы грузінскай дэлегацыі, цалкам складзенай з прадстаўнікоў праўладнай партыі «Грузінская мара», былі аспрэчаныя.

Тым не менш рэзалюцыя прадугледжвае кампрамісны варыянт: на цяперашнюю сесію ПАРЕ паўнамоцтвы грузінскай дэлегацыі прызнаныя з пэўнымі абмежаваннямі, а да наступнай сесіі, якая пройдзе ў красавіку, Грузія павінна будзе выканаць шэраг рэкамендацый. Апроч запуску празрыстага і дэмакратычнага выбарчага працэсу, ад афіцыйнага Тбілісі патрабуюць выпусціць усіх палітычных зняволеных, вярнуцца на шлях рэальнай еўраінтэграцыі, расследаваць паліцэйскі гвалт супраць пратэстоўцаў, скасаваць закон «аб замежным уплыве» і г.д.

Прадстаўнік «Грузінскай мары» Гіві Міканадзэ выступіў супраць рэзалюцыі і частковага абмежавання паўнамоцтваў грузінскай дэлегацыі, а таксама закліку да датэрміновых выбараў, назваўшы тое, што адбываецца, «умяшаннем ва ўнутраныя справы Грузіі і пагрозай суверэнітэту Грузіі».

Але падчас дэбатаў большасьць дэлегатаў ПАРЕ востра крытыкавалі цяпераўнія палітычныя рэаліі ў Грузіі. Паводле словаў украінскай дэлегаты Яўгеніі Краўчук, сапраўднай пагрозай для Грузіі цяпер з'яўляецца Расея, якая ажыццявіла акт агрэсіі ў 2008 годзе, а цяпер спрабуе «ператварыць Грузію ў Беларусь».

Тым не менш папраўка, якая прапаноўвала больш жорсткія захады супраць грузінскай улады – не прызнаваць паўнамоцтвы грузінскай дэлегацыі ў прынцыпе, – не набрала дастаткова галасоў у сваю падтрымку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com