У сектары Газа вызваленая ізраільская закладніца Агам Бергер

Вайскоўку Ізраіля перадалі прадстаўнікам Чырвонага крыжа.

У сектары Газа ў чацвер прадстаўнікі палестынскай групоўкі ХАМАС перадалі вайскоўку Ізраіля Агам Бергер, захопленую ў закладнікі 7 кастрычніка 2023 года, прадстаўнікам Чырвонага крыжа. Гэта пацвердзілі ў Арміі абароны Ізраілю. Пасля там паведамілі, што Бергер ужо была дастаўленая на тэрыторыю Ізраіля, перадае «Радыё Свабода».

Чакаецца, што ХАМАС вызваліць сёння яшчэ двух закладнікаў - Арбель Ягуд і Гадзі Мазэса. Гэта цывільныя асобы. Акрамя таго, чакаецца вызваленне пяці грамадзян Тайланда, таксама захопленых падчас нападу на Ізраіль 7 кастрычніка.

Ізраіль вызваліць 110 палестынскіх зняволеных з турмаў. Размова ідзе аб трэцім такім абмене з моманту пачатку дзеяння пагаднення аб часовым спыненні агню ў сектары Газа 17 студзеня. Раней былі вызвалены 7 ізраільскіх закладнікаў.

Паводле апошніх звестак, у Газе застаюцца 89 выкрадзеных падчас нападзення джыхадыстаў на поўдзень Ізраіля 7 кастрычніка 2023 года. Некалькі дзясяткаў з іх, як мяркуецца, мёртвыя.

У спісе закладнікаў, якіх ХАМАС павінен вызваліць на першым этапе дзеяння пагаднення аб спыненні агню ў сектары Газа, былі 33 чалавекі. Ізраіль у адказ вызваляе амаль дзве тысяч палестынцаў са сваіх турмаў.

Падчас нападаў на Ізраіль 7 кастрычніка былі забітыя амаль 1200 чалавек, блізу 250 захоплены ў заложнікі. Падчас вайсковай кампаніі, якая распачалася, загінулі, са звестак палестынскага боку, амаль 47 тысяч жыхароў сектара, страты ізраільскага войска склалі некалькі соцень чалавек.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com