Bloomberg: Палітычныя выказванні Маска паўплывалі на дзейнасць кампаніі Tesla

Чысты прыбытак кампаніі за апошні квартал мінулага года скараціўся на 71%.

Tesla вельмі пашанцавала, што яе кіраўнік зблізіўся з прэзідэнтам ЗША, таму што апошнія паказнікі кампаніі проста жудасныя напісаў Bloomberg. Вядома, гэта не адбілася на агульным дабрабыце найбагацейшага чалавека планеты, але самі сабой вынікі цікавыя.

Tesla Inc. не апраўдала чаканняў у прыбытку за чацвёрты квартал. Промах быў бы яшчэ горшы, калі б Tesla не націснула на пару рычагоў: продажы крэдытаў на выкіды парніковых газаў у спалучэнні з незвычайна вялікай дзеллю «іншага прыбытку», у асноўным праз бухгалтарскія змены, звязаныя з валоданнем біткойнамі, склалі 1,5 мільярда даляраў. З папраўкай на падаткі гэта палова ўсяго прыбытку Tesla за квартал. Гэтыя прыбыткі не проста слабыя, але і нізкай якасці, аналізуе выданне.

Чысты прыбытак аўтамабільнай кампаніі Tesla за апошні квартал скараціўся на 71% і склаў 2,3 мільярда даляраў. Пасля абвяшчэння гэтых звестак акцыі кампаніі рэзка ўпалі, страціўшы блізу 3% на пазабіржавым гандлі.

Маск заявіў пра рэкордныя продажы аўтамабіляў і акумулятараў у апошнім квартале мінулага года. Але нейкім чынам гэта павярнулася супрацьлеглым вынікам для фінансавых паказнікаў. Сярэдняя выручка з аднаго прададзенага аўтамабіля, без уліку лізінгу і крэдытаў, упала ніжэй за 40000 даляраў, а валавая маржа на гэтай аснове знізілася прыкладна да 5100 даляраў; ізноў жа, гэта самы нізкі паказнік з 2018 года.

Цікава, што ва ўскоснай форме Tesla пазначыла праблему, прадставіўшы яе ў выглядзе... перамогі. У апошняй справаздачы аб прыбытках яна адзначыла, што знізіла сярэдні кошт вытворчасці аўтамабіляў да самага нізкага ўзроўню ў гісторыі – менш за 35000 даляраў за штуку. Гэта праўда. Але гэта звяртае ўвагу на асноўную праблему: вытворчыя выдаткі Tesla змяншаюцца нікчэмна малымі тэмпамі. Сярэдняе зніжэнне за квартал за апошнія два гады склала менш за 2%.

У сувязі з палітычнымі выказваннямі Маска ў Еўропе і ЗША (хоць і з іншай прычыны) попыт на аўтамабілі ўпершыню ў гісторыі кампаніі скараціўся – іх было прададзена нават менш, чым у 2023 годзе. Дылеры паведамляюць, што замоўцы ў Нямеччыне і Польшчы, хоць і не масава, але адмаўляюцца ад ужо забраняваных мадэляў. Кампанія Маска пачала несці рэпутацыйнай страты.

Тым не менш, адказваючы на пытанні аб прыбытках і стратах, Ілан Маск быў настроены экспансіўна, хоць і гаварыў у асноўным пры іншыя рэчы, акрамя продажаў электрамабіляў, на якія прыходзіцца пераважная большасць прыбыткаў Tesla. Вядома ж, вялікае месца займалі самакіраваныя аўтамабілі: Маск заявіў, што «рэальнасць аўтаноміі ўжо наступіла», а потым сказаў, што яна яшчэ не зусім наступіла, і Tesla запусціць робатаксі ў Осціне ў чэрвені. Акцыі Tesla ўзляцелі на другасным рынку на гэтай фразе, нягледзячы на тое, што ў ёй проста паказваўся месяц для дасягнення мэты 2025 года, пра якую Маск ужо казаў раней. Акрамя таго, ён спадзяецца на мадэрнізаваную версію Model Y, кошт якой у палепшанай камплектацыі складзе 60990 еўраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com